20.1 C
Hakha
Saturday, October 23, 2021
- Advertisement -

Ṭial Tharmi

Japan ah li aa hnin i minung tampi an i hliam

Nizaan ah Japan nichuahlei rili kam cu a pin taktakmi lihnin nih a den i minung tampi an i hliam. Electric mei zong a mit dih, nain minung a thimi tu cu an um lo.

7.3 magnitude tha a thawngmi lihnin nih Fukushima a den, tiah Japan Khuati Zohnak Zung nih a thanh.

Lihnin nih rili kam inn lawng siloin meng 60 leng ah a ummi Tokyo khuapi chung inn le office pawl zong a va hninh dih hna.

Tilian ralrin peknak zong a um lo, Khuati Zohnak Zung nih a ti.

Lihnin ruangah a tlawmbik minung 24 leng an i hliam tiah ramchung media Kyodo nih a ti.

Fukushima le Japan nichuah chaklei um inn 950,000 ah electric mei a mit.

Nuclear electric sehzung Fukushima Daiichi cu a rawkmi zeihmanh a um lo. Mah sehzung hi 2011 ahkhan lihnin le tilian ruangah a rak puak bal.

Japan cu vawlei cungah lihnin a tambiknak ram a si ve. Vawlei cung lihni fak 6 magnitude cung lihnin vialte lakah 20% hi Japan ram ah a cangmi lawngte a si. – Reuters

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -