Israel vanlawng ralkap a ṭuan liomi kum 20 nu Yael Shelbia hi “Kum 2020 Vawlei Cung Nu Dawhbik Asi” tiah TC Candler nih a thim. TC Candler cu kum 1999 thokin kum fatin vawlei cung nu dawhbik le pa dawhbik thimnak a tuah pengmi asi.
Yael Shelbia, kum 20 cu atu hi Instagram ah 1.3 million followers bak a ngei manh cang. Na duh cun mah hi hmet law follow ve.
Wonder Woman lemcang a ṭuanmi Israel mintami Gal Gadot, kum 36 nakin let tam tukin aa dawh deuh an ti. Wonder Woman (Gal Gadot) cu nu dawhbik 21nk lawng ah an chiah.
Yael Shelbia cu model zong a ṭuan pah i Kim Kardashian KKW Beauty ṭamhnak aiawhtu zong asi.
Israel ram ahcun nu he pa he duh zong duhlo zongah kum 2 hrawng ralkap ṭuan asi caah Yael Shelbia cu Israel Vanlawng Ralkap a ṭuan cuahmah lio asi.
Mah pah cun Israel thilpuan company Renuar zong nih an thil cawngia piak dingin lahkhah tampi in an hlan.
Kum 2017 ahkhan nu dawhbik 14nk asi. 2018 ah 3nk le 2019 ah 2nk in 2020 ah nu dawhbik ah an thim hi si.
Yael Shelbia nih, “Zei hmanh ah pakhatnak ka si bal lo i tutan ah pakhatnak ka si cu … a nuam ngai,” tiah US ram, Los Angeles a tlawn lio ah Channel 12 news interview ah a rak chim.
“Ralkap na ṭuan pah cun zeitin dah US na hung tlawn khawh?” tiah an rak hal.
“Israel ralkap cu a laih thei tuk. Meṭing le model rian um caan ahcun khunh an ka pek lengmang,” tiin a ra leh hna.
Atu hi TC Candler nih Kum 2021 Nu Dawhbik thimnak a tuah ṭhan liopi asi i aho dek an thim te hnga.
