21.5 C
Hakha
Monday, February 24, 2020
More

    Iran Ralkap: Ukraine vanlawng cu kan kah sualmi asi

    Follow Us

    99,980FansLike
    441SubscribersSubscribe

    Ṭial Tharmi

    - Advertisement -

    Iran ralkap nih, “Nithumni zingka ah a tlami Ukraine vanlawng cu kan ralkap thiamsang ‘Revolutionary Guards’ an umnak pawngah a zuan caah kan ralkap nih i palh in an kah sual,” tiah tuni ah Iran cozah media ah thawng a thanh.

    “A kaptu pawl cu biaceihzung ah chuahpi in a theipar zunter an si lai,” ati.

    Vanlawng chungum minung 176 cu an dihlak in an thi dih.

    Vanlawng a tumnak ding Ukraine khualipi Kyiv um Boryspil International Airport ah a thimi chungkhar nih ruak thlahnak an tuahmi

    Iran ralkap nih, “a thimi chungkhar dihlak nan ngaihchiatnak kan in hrawmpi hna,” ati.

    Iran missile nih vanlawng a khen lio atang video ah zoh khawh asi.

    Nilini ah US, Canada le UK nih, “Iran nih a kah thlakmi si” an ti i Iran nih “kan kahmi si lo, a seh rawh ruangah a tlami si,” tiah aa rak pheh nain tuni ah aa phuan lawlaw.

    Iran President Hassan Rouhani nih, “hi tuksapur thil kan i palh sualmi kongah Islamic Republic of Iran kan i ngaichih tuk hringhran,” tiah Twitter ah a ṭial.

    “Tantakmi chungkhar dihlak nan ngaihchiatnak kan in hrawmpi hna. Thil sining felfai tein hlathlainak kan tuah lio as,” ati.

    Vanlawng a tlaknak pawngah an charmi missile lu

    Ukraine International Airlines company nih a hmanmi vanlawng Boeing 737-800 cu Iran khualipi Tehran um Imam Khomeini International Airport in Ukraine khualipi lei ah a zuan tlawmpal ah a tla i a chungum minung 176 an thi dih – a rel rih lomi nih mah hi hmet law relchap.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

    Na duh ve men hna laiRELATED
    Kaan thim piakmi an si