24.4 C
Hakha
Saturday, February 29, 2020
More

    Iran MP nih ‘Trump a Thatmi Paoh $3 Million Kan Pek Hna Lai’ Tiin Thawngthanh

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    Iran MP pakhat nih “Trump a thatmi paoh laksawng ah $3million kan pek hna lai’ tiin thawng a thanh, tiah Iran cozah media nih a thanh.

    “Kerman province aiawh in, Trump a thatmi paoh cu laksawng ah phaisa $3 million kan in pek hna lai,” tiah MP Ahmad Hmazeh nih Hlutdaw MP pawl a chimh hna, tiah Iran cozah media ISNA nih a thanh.

    Atu bantukin US President Donald Trump a tlerhmi hi Iran cozah nih biakhiahnak an tuahmi a si/lo balte a chim lo.

    Kerman cu President Trump nawl peknak in US ralkap nih an thahmi Iran ralbawi Qassem Soleimani a chuahkehnak state/province asi.

    Iran supreme leader Ali Khameini ti dah lo cun, amah hi Iran ramah nawlngeibik asi an timi Iran ralkap bawi Qassem Soleimani cu January 3 ah Iraq ah US ralkap nih drone in an kah thah.

    Charhchan: The New York Times le Reuters

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.