20.6 C
Hakha
Tuesday, June 22, 2021
- Advertisement -

Ṭial Tharmi

Iran ah Ukraine vanlawng a tla i minung 176 an thi

Tu zingka ah Iran khualipi Tehran in Ukraine khualipi Kiev lei ah a zuangmi vanlawng cu a zuan tlawmpal ah a tla i a chungum dihlak minung 176 an thi dih, tiah Iran media Press TV nih a thanh.

Vanlawng cu khualtlawng 167 le a chungrianṭuan 9 a phormi ‘Boeing 737’ asi i Ukraine International Airlines company nih a hmanmi vanlawng asi.

A thimi 176 hna cu;

  • Iran rammi 82
  • Canada rammi 63
  • Ukraine rammi 11
  • Sweden rammi 10
  • Afghanistan rammi 4
  • Germany rammi 3 le
  • Britain rammi 3 an si, tiah Ukraine Ramdang Vuanci Vadym Prystaiko nih a chim.

Tehran um Ukraine Tanzung nih, “vanlawng a tlaknak aruang cu ralhrang nih silole rocket in an kah ruangah asi,” tiah thawng a thanh nain, hnu ah “vanlawng a tlaknak aruang cu Iran cozah nih a hlat lio asi,” tiah thawng a thanh ṭhan.

Ukraine President Volodymyr Zelensky nih, “ngaihchiatnak kan ton caah Oman ram ah ka tlawn liomi cu kai let lai i kan ram ah ka rung kir lai. Khualtlawng le a chungrianṭuan vialte nih tantakmi chungkhar dihlak nan ngaihchiatnak kan hrawmpi hna,” tiah Facebook ah a ṭial.

“Vanlawng a tlaknak hmun ah lakruak poipang chanhtu kan thlah hna nain a kangh dih caah zeihmanh an tuah kho lo, tiah Iran Emergency Medical Services lutlai Pirhossein Koulivand nih a chim.

“Vanlawng seh a kang i a mongtu nih a control khawh ti lo caah a tlak hi si,” tiah Iran Lam le Khuapi Sernak Vuanci Zung rianṭuan Qassem Biniaz nih Iran cozah media Islamic Republic News Agency sinah a chim.

Vanlawng cu tu zingka 6:12am ah Iran khualipi Tehran um Imam Khomeini International Airport in aa thawh i 6:14am ah a tla.

Thawngpang thar: Vanlawng a tlaknak aruang a umnak ‘black box’ cu Iran cozah nih vanlawng sertu Boeing company sinah a ap duh lo.

Zei ruang dah a ap duh lo ti cu Iran cozah nih a chim duh lo. Anmah tein vanlawng a tlaknak aruang zoh an duh caah si men lai tiah lunghrinh asi. Black box cu vanlawng a tlaknak hmun ah an char.

Iran nih US ralkap vanlawng a rung lutmi ah a ruah caah a kah i si men lai, tiah mi tampi an lunghring.

Tu zingka dei hlan ah Iran nih Iraq um US Vanlawng Ralkap sakhan 2 cu missile tam taktak in a kah – hmet law relchap.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -