19.1 C
Hakha
Saturday, October 23, 2021
- Advertisement -

Ṭial Tharmi

Indonesia ralkap titanglawng a rawk i ralkap 53 an thi

A tlaumi Indonesia ralkap titanglawng (submarine) cu Bali rili thuhnak hmun ah an hmuh cang. Nain, a chung rianttuan ralkap 53 an thi tiah tuni ah Ti Ralkap nih thawngthanhnak an tuah.

Indonesia President Joko Widodo nih ngaihchiat tongmi chungkhar nan ngaihchiatnak kan in hrawmpi hna a ti.

Kum 44 tluk a hlun cangmi KRI Nanggala-402 submarine cu Nithumni ahkhan missile bomb thlah a cawn lio ah ralkap sakhan he an i pehtlai kho ti lo i a tlau.

“Lawng rawkmi zoh tikah, KRI Nangaala titanglawng cu a kak i a chung ah ti luh caah a pil, rianttuantu ralkap vialte an thi dih,” tiah ralkap bawi Marshal Hadi Tjahjanto nih a chim.

Ti ralkap bawi Yudo Margono nih, “KRI Nanggala titanglawng cu cheu 3 ah aa cheu. Thil a cangmi hi rianttuantu ralkap pawl mawhchiat awk an ttha lo,” tiah a chim.  

KRI Nanggala titanglawng cu a tlau hnu in Singapore, Malaysia, India, Australia le US i bawm in pehtlaihnak a cahnak pawngkam hrawng ah helicopter le tilawng tampi in an kawl.

Nirukni ah lawng rawkmi pelpawi an hmuh hnu in atu bantuk in an hmuh hi a si.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -