17.2 C
Hakha
Monday, July 26, 2021
- Advertisement -

Ṭial Tharmi

Indonesia palek a that tu Australia nu a chuak cang

Australia nu cu a tlangvalpa he Indonesia ram, Bali island palek pa an thah ruangah thongthlak an si i kum 4 dengmang thong a tlak hnu ah tuni ah a chuak.

Sara Connor, kum 49 cu tuni ah Kerobokan thonginn in a chuak i atu hi Australia ram ah kuat dingin lahwahkah sinah an ap.

Connor le a tlangval pa David Taylor nih 2016 ah Bali palek Wayan Sudarsa an thah i 2017 ah biaceih zung nih thong a thlak hna.

Palek pa Sudarsa ruak cu a hrom, a ttang le a lu ah hma tampi he thi nih a zual dih buin an rak hmuh.

Connor cu kum 5 thong dan an pek nain thonginn ah fel tein a um caah kum 5 tlin hlan ah an thlah. A tlangval Taylor cu kum 6 thong an thlak i a chuak rih lo.

Palek pa cu Connor handbag a fir tiin Taylor nih a velh. Taylor nih palek pa cu hmanbilu le beer thawl in ka tuk tiah a ti. Keimah nunnak vennak caah ka tuahmi a si tiin biaceih zung ah a chim.

Fa 2 ngeimi Connor nih cun Taylor le palek pa an i velhmi cu ka tthen chih hna a ti nain Bali biaceih zung nih na lihmi si, palek pa na tlaih i Taylor na velhter a ti.

Connor le Taylor cu an zaam nain palek pa ruak pawngah Connor driving licence le ATM card an hmuh.

Palek nih mithattu an kawl hna lio ah Connor le Taylor cu Bali um Australia palai zung ah an i thup. Hnu ah, anmah tein an i ap.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -