25.2 C
Hakha
Monday, March 1, 2021

COVID-19

Vawleipumpi
114,721,389
A zawmi
Updated on March 1, 2021 9:19 am
Vawleipumpi
2,544,008
A thimi
Updated on March 1, 2021 9:19 am
Vawleipumpi
90,249,344
A dammi
Updated on March 1, 2021 9:19 am

Indonesia lihnin ruangah minung 20 an thi cang, 100 leng hliamtuar

Advertisement

Ambon khuapi, Indonesia — Tu zingka 8:45am ah Ambon khuapi cu a pin taktakmi lihnin (6.5 magnitude) nih a den ruangah minung 20 an thi cang, 100 leng hliam an tuar. Minung 2,000 leng a himnak hmun ah an tthial hna.

A thimi 20 lakah bawhte 1 aa tel. Mi bawmtu nih an bawmh cuahmah hna lio asi ruangah a thimi milu tling an hngal rih lo. Hnu deuh ahcun minung 20 leng zong an si kho.

Tu chun ahcun, minung 6 an thi an ti nain hnu ah an thi chap. Atanglei hi hmasa kan ttialmi asi.

Tu zingka ah Indonesia ram Maluku island cu a pin taktakmi lihnin (6.5 magnitude) nih a den caah Ambon khuami minung 8 an thi cang. Inn tampi an rawk, vawlei an min i a thimi 1 cu leimin nih a phum.

Inn an cimh thluahmah caah khuami cu thinphang taktak in zalam cungah an zaam hna.

Lihnin nih direct in a thahmi minung 6 lakah, pakhat cu leimin nih a phum i a thi, adang cu inn cim nih a nenh hna, tiah khua chung Kokek Ral Hartong Bawmtu Bu nih a chim.

7nk cu lihnin ruang i a lau tuknak ah lungtur in a thi, 8nk nu cu motorcycle in tlang sang lei a zaam lio ah a tla i a thi.

Minung ting 4 hrawng an umnak Ambon khuami nih hliam a tuarmi pawl an bawmh hna.

Sizung um mizaw cheukhat cu li aa hninh cangka in lengah an zaam hna, lengah mizaw zohnak buk rianrang in an sak.

“Lihnin nih Ambon khuapi le pawngkam vialte a hninh dih,” tiah lihnin le thlichia zung lutlai Rahmat Triyono nih a chim.

“Lihnin nih a dennak zawn hi Maluku island i Ambon khuapi nichuahchaklei 37km hla ah asi,” tiah US Geological Survey nih a phuan.

Lihnin ngan tak (6.5 magnitude) nih a den cangka in lihnin hme tete 24 hrawng nih a den chap colh.

“Kan chungkhar ningin kan i hngilh liopi ah inn aa hnin dih,” tiah Ambon khuami pakhat nih AFP thawngla sinah a chim.

“A pin taktak. Inn lengah kan zaam i innpa pawl zong an rak zaam cio. Kan lau in kan thinphang tuk cio hna.

“A pin lawlaw bak si,” tiah a chimchap.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
114,721,389
A zawmi
Updated on March 1, 2021 9:19 am
Vawleipumpi
2,544,008
A thimi
Updated on March 1, 2021 9:19 am
Vawleipumpi
90,249,344
A dammi
Updated on March 1, 2021 9:19 am
- Advertisement -