Indonesia ah ‘Sriwijaya Air Boeing 737 passenger’ vanlong a tlau!!!

- Advertisement -

ASIA, Indonesia _ Minung 62 a phurmi ‘Boeing 737 passenger’ vanlong cu Indonesia khuapi Jakarta in ai thawh tlawmpal ah Java rili ah a tla tiah an ruah.

Ai thawh hnu minute 4 in radar nih a tlai kho ti lo, a tlau. Flightrader24.com nih minute pakhat hrawngah 3,000m (10,000ft) in a tla tiah an ruah.

A puakmi thawng a theitu le a hmutu an um. Ngatlai Solihin nih “Thil a tlami thawng kha kan theih tikah kan caption nih ti lengah kir tthan dingin biakhiahnak a ngei,” a ti. “Vanlong cu rili ah tteek tlak in a tla i, tii ah a puakkeh dih.”

“A kan naih ngai caah kan tilong a den dengmang, a kekkuaimi thil nih kan tilong a khen lo lawlaw  si,” a ti.  A tlaunak hmunhma ah a ummi nih vanlong in a hung tlami an si ko rua tiah an ruahmi thilri kha an hmuh.

Indonesia tiraalkaap nih Jan.9 (Zarhte) ah kawl hram an thok colh.

A harmi biahalnak:

A donghnak bik vanlong an pehtlaih hi, chawnhbiak hmelchunh SJY182 he, anmah caan 14:40 (07:40GMT) ah a si tiah transport ministry nih an ti. A fuhpanhmi Pontianak phak nakding ah minute 90 lawng a si tawn. Pontianak cu Bornea tikuld um a si.

Harnak kan tong ti thawng thanhnak le chawnhbiak-pehtlaihnak pakhat hmanh a um lo ti si. A phurhmi minung hi 50, ngakchia pararih le naute 3 telhchih in, riantuantu cu minung 12 an si. A vanlong hi minung 130 a phur khomi a si.

Pontianak vanlong tual in an chungle nih an rak hngah hna nain an hung chuak ti lo.

Yaman Zai nih mitthli he thawng latu sinah, “Vanlong ah ka chungkhar 4 an um, ka nupi le fale 3,” tiah a chim. “Tu ni ah ka nupi nih kan naute hmanthlak a ka kua, lungthin kehkuai dih lo awk a tha lo.”

A vanlong hi kum 26 upa Boeing 737-500 a si. A zuan lai tiangah cun tlamtlin lonak a ngei lo tiah vanlong lei riantuan phu bawi bik nih a ti.

A vanlang a tlaunak hi Jakata khualipi chaklei 20km (meng12) hrawngah a si. 2018 i vanlong a rak tlak cangnak he khan ai hlat lo. Indonesia zong ah faruahthawh thlichia le ruahpi a tam lio caan ah a cangmi a si.

Pathianni (Jan.10), GMA News ning cun taksa ai tthencheumi kha an hmuh cang.

Atu tiangah anmah bak, a vanlong bak ti cu a um rih lo. A tlaunak aruang zong atu tiangah a fiang rih lo. Asinain, taksak tthencheumi le thi a kaimi thilri kekkuai hmuh len a si tikah anmah lo cu puh awk an um fawn lo.

BBC; The New York Times; GMA News; The Manila Times

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...