16.4 C
Hakha
Monday, June 21, 2021
- Advertisement -

Ṭial Tharmi

Indianapolis ah minung 7 meithal kah an tong

US Chinmi tampi kan umnak Indianapolis khuapi ah minung 7 meithal kah an tong. Zarhpini zaan in Nikhatni deilei tiang suimilaam 6 chungah hi zat minung kah an tong.

“Crown Hill Thlanmual thlang, Udell Street i 600 block ah minung 2 meithal kah an tong” tiin 9:15pm ah Indianapolis Palek Sakhan (IMPD) phone an chawnh hna.

Palek nih kah tong pakhat an hmuh, lakhruak mizaw chanhtu nih sizung ah an kuat. A hma fah tuk caah a nunnak caah thinphang dirhmun asi.

Minutes 6 hnu ah Eugene Street i 600 block ah palek nih meithal kah tong 2nk an hmuh tthan. Mi khamhtu nih sizung ah an kalpi. A hma fak tuk ve.

Minung 2 a kaptu hi aa khat lai, tiah palek nih an zumh.

10pm fai ah “minung pakhat meithal kah a tong” tiin IMPD Southwest District palek pawl cu IU West Hospital ah an kuat tthan hna.

Kah a tongmi cu a nunnak caah thinphang si lo.

Mah lio ahcun “minung pakhat kah a tong” tiin IMPD North District palek pawl cu IU North Hospital ah an kuat ve hna. Kah a tongmi cu a dam ko lai, tiah zumh asi.

Suimilaam tlawmpal a rauh hnu 1am ah Indianapolis khua chaklei datsi dawr ah minung 2 kah an tong tthan.

Kah an tonnak zawn cu Michigan Road le Westlane Road lamkil ah a ummi Shell datsi dawr ah asi. Minung 2 cu an hma fak tuk hringhran.

Zei ruang dah meithal kahnak a chuah, ti cu mah ca kan ttial lio tiang ah palek nih an chim rih lo. Datsi dawr ah CCTV hna a um maw, meithal kahnak a chuah lio hna CCTV nih a thla maw, tbk., zong an chim rih lo.

2:50am fai ah, IMPD Southwest District palek pawl cu “minung 1 kah a tong” tiin Franciscan Health Indianapolis ah an kuat tthan hna. Kah tongmi cu a hma fak tuk lo.

Palek nih “thil sining kan hlat lio si” an ti. — Fox59

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -