17.2 C
Hakha
Monday, July 26, 2021
- Advertisement -

Ṭial Tharmi

Indiana ah COVID-19 Zawtnak a Karh Tuk: Mizaw Thar 1,962 an Hmuh Hna

Indiana State Ngandamnak Zung (ISDH) nih COVID-19 mizaw thar 1,962 kan hmuh hna, tiah tuni ah a thanh.

Indiana state ah zawtnak ngei hmuhmi dihlak (a thimi le dammi telh in) 141,212 an si cang.

Mizaw thar hi October 11 – 14 kar ah hmuhmi an si.

COVID-19 mithi thar 23 an um. Indiana state ah a thimi dihlak 3,632 an si cang. A thi tharmi cu September 27 – October 14 kar ah a thimi an si.

Ramdang cu suimilam 24 dan pengin mizaw le mithi thar cazin an thanh i a tliang ngai. Indiana cozah nih a thanh ning cu a buai thlak taktak. “Ni 1 cazin hi Ni 1 chung ah tling tein Ngandamnak Zung a phak khawh dih lo ruangah a thik thiar in kan thanh…” ati. Ngandamnak lei rianṭuan an i phanzo lo taktak ti a lang.

Liamcia ni 7 chungah COVID-19 zawtnak ngei hmuhmi 5.7% an karh.

Indiana state pumpi ah COVID-19 zawtnak ngeih/lo an test tharmi minung 25,338 an si. Test mi dihlak 2,420,865 an si cang.

Kan state pumpi ah Mizawzual Zohkhenhnak Khaan (ICU) ihkhun 32.6% a lawng le thaw peknak seh 78.2% an lawng rih, tiah ISDH nih a thanh.

Chinmi tambik kan umnak Marion County ah mizaw an tamcem i 23,852 an zaw cang.

COVID-19 cazin ah telh lomi ‘COVID-19 mithi an si kho men’ timi 232 an um. COVID-19 zawtnak a ngeih an hngal lo nain X-ray le scan result zoh tikah COVID-19 an ngei tiin zumhmi pawl an si.

US rampumpi ah COVID-19 zawtnak ngei hmuhmi dihlak 8.2 million an si cang. Mah chungah ting 2 le thong 22 leng (222,563) an thi cang.

US cu vawlei cungah COVID-19 mizaw an tambiknak ram asi.

Hmanthlak: Indianapolis khuabawi Pu Hogsett

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -