India ram in tlun duhmi Chinmi 190 hrawng an um

- Advertisement -

India ram in Kawlram tlun a duhmi Chinmi 190 hrawng an um i atu tiang ah minung 7 lawng an tlung kho rih, tiah Tamu peng pyithu hluttaw MP U Naing Win nih a chim.

U Naing Win nih,”Chin state tlung dingin cazin a kan pekmi a um. A dikthlir te cun ka hngal lo nain minung 190 hrawng cu an si lai.

“Cu chungah 7 cu an phan cang. A tangmi pawl cu zeitik ahdah an rak tlun lai ti chim khawh si lo. Myanmar ram lei cun lam aa ong ko. Ramtthen le rampi cozah sinah a herhmi tete thawng kan thanhpiak ko hna,” tiah a chim.

Chin miphun tampi cu India ram ah a ruang phunphun in an kal hna i cheukhat cu fimcawn ruah ah a kalmi zong an um. A tambik cu phungninglo in an kal hna.

“An sining aa lo cio lo. Cheukhat cu phungning tein an kal, cheukhat cu phungninglo in an kal. Fimcawn ah a kalmi zong an um. Nain, a rak tlungmi paoh cohlan an si.

“Nain, cheukhat kong ahcun India cozah nih bawmh khawhmi um nain phungninglo kong ahcun bawmh khawh lonak tete zong a um. Kanmah nih cun kan si khawh chungin kan bawmh ko hna,” tiah U Naing Win nih a chimchap.

Atu tiang ah, Covid-19 ruangah India ram phan Kawlrammi pawl cu Tamu khua, Moreh ramri gate in minung 7, 10, 36 tiin a lutmi an um i Tamu khua ah qurantine an si hna. – Chin World

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -