15.6 C
Hakha
Sunday, June 20, 2021
- Advertisement -

Ṭial Tharmi

India ah zuu tama 10 cu hand sanitizer dinnak in an thi

India ram, Andhra Pradesh state ah zuu tama 10 cu hand sanitizer an din ruangah an nunnak liam tiah khua palek nih Ningani ah an thanh.

Andhra Pradesh state, Prakasam district ah a ummi Kuricheudu khuate cu Covid-19 ruangah lockdown an tuah. Thil a cannak hi Kuricheudu khuate ah a si.

Nithumni zaan ah minung 1 a thi. Nilini zaan ah minung 2 an thi i Ningani zingka ah a dang 7 an thi.

“Zuu tama pawl nih hand sanitizer cu tii le soft drink (a aye) he an cawh i an din,” tiah Prakasam district palek Siddharth Kaushal nih a chim.

A thimi pawl cu A. Srinu (kum 25), B. Tirupataiah (kum 37), G. Ramireddy (kum 60), Kadiam Ramnaiah (kum 29), Ramanaiah (kum 65), Rajireddy (kum 65), Babu (kum 40), Charles (kum 45) le Augustine (kum 47) hna an si. A thimi 10nk cu mi zei a si an hngal rih lo.

Kuricheudu khua le pawngkam khua um zuu dawr pawl cu lockdown ruangah ni 10 hrawng dawr an hong ti lo. Cucaah, zuu din lo in an celh tilo i kuat thianhnak ca ah hmanmi sanitizer cu an din hi a si.

A thimi lakah kutdok 3 an i tel. Pahnih cu khua chung biakinn ah kutdok tawnmi an si i sanitizer an din ruangah an pawpi a phing i Nili zaan ah an thi. A dang pakhat cu sizung ah an thlop len lio ah a thi ve.

Palek nih thil sining an hlat lio a si.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -