15.5 C
Hakha
Thursday, June 24, 2021
- Advertisement -

Ṭial Tharmi

India ah aa tapmi Bible siangngakchia pawl kan lak hna lai

India ram ah Bible sianginn a kaimi siangngakchia pawl telhin Chin state ah a kir kho lomi minung 350 hrawng an um, tiah Chin state Zatlang Vuanci Pu Pau Lun Min Thang nih a chim.

Chin state in India ram ah Bible sianginn a va kaimi siangngakchia tam deuh cu a herhmi catlap (passport, visa, tbk.,) ken loin an kal caah lak an har ngai, tiah Pu Pau Lun Min Thang nih a chim.

“A herhmi catlap zeihmanh ken loin India lei ah Bible sianginn an va kai hna. Anmah nawl in an kir ahcun tlun inn onhtu he upadi ningin dantat ding a si. Cu ruangah, rampi cozah sinah kan thanh lai.

“Atu hi India in Tamu lei ah a lut dingmi thiamtak minung 83 telhin minung 140 an um. Cun, Rih lam lei in a rak lut dingmi Bible siangngakchia 196 an um i anmah pawl cu lak khawh kan zuam hna lai.

“Atu hi India lei cu zawtnak a karh tuk i Bible sianginn kaimi siangngakchia pawl cu tthawl an timh hna. Mah ruang cun, kan lungrethei tuk. Harsatnak a tongmi siangngakchia pawl zong nih a kan chawnh peng. Chinmi cu chan tampi chung passport loin India ram ah sianginn an kai peng.

“Ramri in an rak luh ahcun Bible sianginn kai an si/lo fawi tein kan check khawh ko hna lai. Mah ruang cun lak kan timh hna,” tiah Pu Pau Lun Min Thang nih a chim.

Naite ahkhan India ah Bible sianginn a kaimi kan Laipa 6 cu India ram ah zeiti hmanh in khuasak awk an tthat ti lo caah anmah nawl in Myanmar ram ah an lut i Tamu ah an tlaih hna. Atu cu sizung ah an um. Covid-19 zawtnak an ngeih lo ahcun upadi ningin dantat an si lai.

Myanmar rampi cozah theihpinak he India ram in Chin state a rak lutmi minung 49 an um. Minung 16 cu ni 21 chung Quarantine an tuah cang hna caah an ttinter cang hna. A dang 33 cu Falam ah a dang tein an chiah (quarantine) hna lio a si.

Covid-19 Dotu Committee nih amah nawl in a rak lutmi pawl le tlun inn a onhtu pawl cu upadi ningin dantat an si lai, tiah June 10 ahkhan thawng a thanh.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -