15.6 C
Hakha
Sunday, June 20, 2021
- Advertisement -

Ṭial Tharmi

Hpakant Leimin ah Salai An Mai a Nunnak Liam Ve

Chin state, Matupi peng, Thotui khuami Pu Lawng Bueng fapa Salai An Mai cu Kachin state, Hpakant peng i Waikha khua pawng lunghring cawhnak leimin ah a nunnak liam ve.

Leimin ah Chinmi 4 an i tel ve, tiah Hpakant um Salai Palay nih tu zingka 8:30am ah phone kan chawnh i a chim, tiah Dai Taungtan Media nih a ṭial.

“Atutiang an ruak an hmu kho rih hna lo. An kawl cuahmah hna lio asi,” tiah a chim.

Salai An Mai

Cheukhat nih ‘Chinmi 5’ leng an nunnak liam tiah an chim nain fehter khawh asi rih lo. Chinmi zeizat sah dah an nunnak liam ti cu hnu ah fiang deuh in thanh khawh kan i zuam lai.

Nizaan July 2 ah a minmi lunghrinh cawhnak nawncek kuang a min i minung 200 leng an thi, tiah zumh asi. Mah ca kan ṭial lio tiangah miruak 166 an hmuh cang. Caan tlawmpal ahcun miruak tampi a karh kho.

A thimi lakah Kachin le Rakhine miphun an tamcem. Kawlram chung hmun zakip in lunghrinh kawl ah a rami an si i miphun an tling pah dih ngawt.

Tantakmi chungkhar nan ngaihchiatnak kan in tuarpi hna. Pathian nih in umpi ko hna seh.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -