15.5 C
Hakha
Friday, February 28, 2020
More

    Hotel man a pek khawh lo caah manager pa a thah

    Follow Us

    99,937FansLike
    441SubscribersSubscribe

    Ṭial Tharmi

    - Advertisement -

    Kalaymyo i Tat Oo Thida sang um Sein Hotel ah thla 1 leng a ummi pa Thein Hteik Win, kum 42 nih hotel manager U San Htay cu nam in a sawh thah hnu ah saikal in ṭhi aa zaampi.

    January 10 zaan 8pm hrawngah Kalaymyo um Kawlkulh khuate le Thinbawpin khuate karlak lamkam ah nam sawhnak hma pawl he a rak thimi pa cu pawngkam khuami nih an hmuh.

    Khuami nih palek sakhan ah thawng an thanh tikah miruak cu Sein Hotel manager U San Htay, kum 50 hrawng asi ti an hngalh.

    Kawlkulh khuabawi Pu Ramnieng nih, “ka va phak cun zaan 8pm asi cang. Ruak cu lamkam ah a rak um, namte pakhat zong kan hmuh. Ruak cu nam sawhnak hma 5 hrawng a um. Zaan 10pm hrawngah ruak cu an rung lak,” tiah a chim.

    Thein Hteik Win cu Sein Hotel ah a umnak thla 1 hrawng asi cang. Hotel man pek awk tangka lak ding ka ngei tiin manager pa cu bawmh a hal. Manager pa nih a va thlah lio ah atu bantukin a thah hi si.

    Kalay palek bawi Bo Bo Aung nih, “manager a thattu Thein Hteik Win hi a chuahkehnak Kalay asi ve ko. Nain, a nulepa cu Kalaymyo ah an um ti lo. Mah ruangah umnak inn a ngei ti lo,” tiah a chim.

    “2013 ah Kalaymyo Forest bawi a thah caah thong a rak tla bal. Thong in a chuahnak zong a sau rih lo. Atu hi tlaih dingin kan kawl liopi asi,” ati.

    Charhchan: Zalen

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.