Hlen tongmi Myanmar nu dam tein an khua a phan kho

Hlen tongmi Myanmar nu dam tein an khua a phan kho

Myanmar nu San Win cu Singapore ram ah rian na ttuan lai tiin puaisa nih Singapore ram ah an kuat. Mah hnu ah phungning loin Malaysia ram, Johor state ah an kuat tthan.

San Win cu dum chung tiang CCTV khat lak in bunhmi Johor Bahru khua ah a ummi inn pakhat ah sinum rian a ttuan. Thla 8 hnu ah cuka inn um cu a celh ti lo caah zaam aa tim i lam ah Malaysia-Tuluk nu he an i tong.

Malaysia-Tuluk nu bawmhnak in a zaam kho. San Win cu Malaysia-Tuluk nu nih Johor Bahru khua ah a ummi Yadanar Second Myanmar phungki sianginn ah a hei chiah.

Yadanar Second Myanmar Phungki sianginn nih dirhmi Yadanar Second Mibawmhnak Bu le Tun Thit Sah Mibawmtu Bu bawmhnak in San Win cu Kuala Lumpur ah a ummi Myanmar tanzung ah an kuat.

Myanmar tanzung bawmhnak in San Win cu MH740 in August 31, 2019 ah Myanmar ram ah an kuat. August 31, zaanlei sml 3.15 ah Yangon Airport a phan.

Yangon Airport in mibawmtu bu nih an rak don i September 1, 2019 ah a chuahnak Mon state, Kyaikto khua ah a nu he dam tein an i tong kho.