25.2 C
Hakha
Monday, March 1, 2021

COVID-19

Vawleipumpi
114,721,389
A zawmi
Updated on March 1, 2021 9:19 am
Vawleipumpi
2,544,008
A thimi
Updated on March 1, 2021 9:19 am
Vawleipumpi
90,249,344
A dammi
Updated on March 1, 2021 9:19 am

Hakha Viewpoint ah inn sakmi acheu an lim cang nain mipi nih an doh caah an ttheh

Advertisement

Hakha khua chaklei i Gangaw lamkam ah a ummi Hakha Viewpoint ah ngakchia lentecelhnak le rawldawr on dingin contract a ngahtu nih inn an sak i acheu an lim cang nain mipi nih an doh caah an ṭheh.

Chin state cozah biachimtu Sipin Vuanci U Soe Htet nih, “khuacuanhnak hmun kaupi ah inn an sak ahcun hmun a bi lai tiin mipi nih an doh caah an ṭhehmi asi,” tiah a chim.

“Contract a ngahtu zong nih inn saknak thilri an cawk cang. Tangka an sung ngai nain mipi nih an duh lo caah an ṭhehmi asi. Mipi duhnak an ngaihpiak hna caah tampi kan i lawm,” tiah a chim.

Chin state Sipin director hlun Pu Thla Hre nih, “coffee dawr nan on khawh, rawldawr le ngakchia lentecelhnak zong nan tuah khawh tiin Chin state cozah nih tangka ting 101 in contract a zuarmi si,” tiah a chim.

“Ngakchia lentecelhnak cu lawlawse kum 2 ca in an sak nain, Sipin nih hnulei a chennak hmun ah a ṭhialter hna. A chennak hmun ahcun sak awk a ṭhat lo pinah Sipin zong nih an sian hna lo i mipi zong nih an duh lo caah ṭheh lawlaw a ṭha deuh tiin an ṭhehmi si,” ati.

Hakha khua mino Dr. Cungpi nih, “contract a ngahtu nih zeitluk ṭha in lentecelhnak le rawldawr an tuah zongah, mipi hmun a simi private an uktermi hna cu mino pakhat dirhmun ka duh bak lo. Public Space tiin cozah nih a khiah cang, ahopaoh free in kal khawh asi tiin khiah cangmi hmun hna control dingin contract an pekmi hna cu asi si lo,” tiah a chim.

Ngakchia lentecelhnak kun cu Hakha Viewpoint area chungah November 20 in sak an thok nain khuami mipi nih an doh caah ni 17 hnu ah an ṭheh ṭhan.

Charhchan: Chin World

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
114,721,389
A zawmi
Updated on March 1, 2021 9:19 am
Vawleipumpi
2,544,008
A thimi
Updated on March 1, 2021 9:19 am
Vawleipumpi
90,249,344
A dammi
Updated on March 1, 2021 9:19 am
- Advertisement -