20.1 C
Hakha
Saturday, October 23, 2021
- Advertisement -

Ṭial Tharmi

Hakha um Chin Cozah Zung an kah, Kawl Ralkap 3 thi

Nizaan September 4 zaan 11pm hrawngah Hakha khuapi hmun 3:

  1. Chin State Cozah Zung,
  2. Suhpawng Zung le
  3. Myanmar Economic Bank an kah i Kawl Ralkap 3 hrawng an thi, tiah kan theih.

Mah kong he pehtlai in The Chin Express nih Myanmar Economic Bank pawng ummi kan chawnh i, “Kan thinphang tuk i zaan khuadei kan i hngilh kho lo,” tiah a chim.

“Zaan 11pm hrawngin meithal puah thawng kan theih. Kan inn he aa naih tuk caah meithal le bomb thawng nih a kan cawi dihmi alo.

“Ihkhun cung zongah kan it ngam lo. Ṭuangah pher kan phah i a tom bakin kan i tom. Deilei 3am tiang hrawng meithal an puah. Zun 200 paoh cu an puah lai. G3 meithal pawl hna a pehpeh in voi tampi an puah. Kan inn hi meithal thawng nih a cawi dihmi alo.

“A hmun ahcun kan kal ngam lo caah a thimi le hliam tongmi an um/lo cu kan hngal lo,” ati.

Nain, khuami pakhat nih “Kawl Ralkap 3 an thi,” tiah Khit Thit Media sinah a chim.

Cozah zung 3 a kaptu hi atutiang ahcun pawngkam um khuami nih aho te an si fiang set in an hngal lo nain, Chinram kilvengtu ralkap CDF an si men lai tiah an zumh cio.

CDF nih cun atu mah ca kan ṭial tiang ah thawng a thanh rih lo. A thanh cangka in kan update colhte lai.

“Tuni cu thawngpang a dai ko cang. Atutiang ahcun zeihmanh um ti lo,” tiah pawngkam ummi pakhat nih a chim ve.

Nizaan ṭhiam ah Thantlang pengah CDF le Kawl Ralkap an i kap ve. CDF-Thantlang in Salai Lian Tha Thang nih ram caah a nunnak pek.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -