Hakha sizung rianttuan pawl Covid-19 raikhamsii an chunh cang hna

Tuni January 27 ah Hakha ah Covid-19 raikhamsii chunhnak an thok cang.

Dr Azing nih, “Tuni chunh dingmi hi an zate 594 an si. Mah chungah a ra lomi, kangdang a phanmi le chunh dingah aa rem lomi an um te lai i, a donghnak bik ah zeizat dah kan chunh te lai ti cu zaanlei lawng ah aa thei kho te lai.

Naupawi le nau hnuk dinh liomi pawl cu chunh awk an ttha lo

“Atu kan i chunhmi hi India chuahmi Covishield ti si i voi 2 chunh si lai. Atu voi khatnak kan i chun lai cun ni 28 hnu ah voi 1 kan i chun tthan te lai.

Covishield cu UK hrambunh Oxford University le Astrazeneca i bawm in an sermi a si i India ram um raikhamsii sehzung ah an chuah

“Atu cu Myanmar ram pumpi huap in Ngandamnak le Zaanglek Vuanci Zung tang i ngandamnak lei rianttuan pawl kan i chun hmasa lai.

“Hmai thla ni 5 thokin mipi sinah usape in chunh si lai. Mizei deuh pawl chunh ding ti cu rampi raikhamsii zung nih bia a khiah tthan te lai.

“Atu hi minung cazin an lak cuahmah lio a si. Cazin kan ap hnu ah an ni, an ni pawl hi rak chun hna uh ti kha a kan thanh te lai.

“Tuni raikhamsii kan i chunhmi hi zeihmanh ttih ding um lo. India zongah minung tampi an i chun cang.

“Hmun 4 ah kan i chun i zaanlei sml 5pm tiang kan chunh lai. Raikhamsii i chunh khawh in aa tteh/lo (allergy) sml cheu chung kan zoh hna.

“Atu hi minung 50 hrawng kan i chun cang. Tu tiang ahcun zei hmanh i tteh lo um rih lo,” tiah The Chinland Post ah a chim.

Tling deuh in a tanglei video ah zohkhawh a si.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...