14.7 C
Hakha
Wednesday, October 20, 2021
- Advertisement -

Ṭial Tharmi

Hakha palek Salai Tawk Bawi Thang: Ralkap uknak kan tei lai

Hakha Palek Sakhan ah palek a ṭuanmi Salai Tawk Bawi Thang nih, “mipi kan dirkamh hna, mipi sinah CDM ka tuah ve cang, ralkap uknak kan tei lai,” tiah thawng a thanh.

“Civil Disobedience Movement (CDM) ka tuah ve cang lai,” tiin Hakha Palek Bawi sinah ca a kuat.

Cakuat ahcun, “March 6 thok in zungkai loin CDM ah kai tel ve cang.

“CDM ah kai telmi hi palek rianṭuan ka duh lo caah asi lo. Ralkap caah rianṭuan ka duh lo tuk cang caah le mipi caah cozah rianṭuanmi ka si bantukin mipi lei ah dir in CDM ka tuah ve cang lai.

“Palek rian kai phuak lo. Keimah cu palek a tlaihchanmi ka si i ka cunglei upate zei rel lonak ka tuahmi si lo.

“Party ramkhelnak kai tel lo. Dai tein CDM ka tuahmi si,” ati.

Cakuat cu a Facebook ah a tar chih i “March 6 thokin CDM ka tuah ve cang. Mipi lakah mipi ka si ve. Ralkap uknak kan tei hrimhrim lai,” tiah a ṭial chih.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -