Hakha le Tedim sizung ah Covid-19 testnak seh an chiah ve cang

- Advertisement -

Chin state chungah Covid-19 mizaw tambik an umnak Hakha sizung le Tedim sizung ah Covid-19 check/testnak Gene Xpert seh chiah a si cang tiah Zatlang Vuanci Pu Pau Lun Min Thang nih a chim.

Zatlang Vuanci Pu Pau Lun Min Thang nih, “Gene Xpert seh cu National Health Laboratory bantuk in mi tampi check khawh si lo.

“Voi 1 ah minung 5 hrawng lawng check/test khawh a si. Hi seh hi a herh ning zat paoh in chap/bet awk tthami a si. Atu lio ah cun Hakha sizung le Tedim sizung ah a um. Cun, Covid-19 mizaw tambik hmuhnak zong hi khua 2 ahhin a si caah cuka ahcun check/test a si ko lai” tiah a chim.

Chin state ah Covid-19 ngeih/lo checknak Gene Xpert seh cu Hakha le Tedim ah September 9 thok in chiah a si cang i check nak zong an tuah cang tiah kan theih.

“Covid-19 zawtnak check tikah voi 2 in checknak kan tuah. A pakhatnak cu kan ram ah kan test i a dang pakhat cu NHL ah kan kuat. A result ah Positve a si ah Negative a si ah atu lio ahcun hneksaknak ah kan hman.

“Chin state chung ah ihkhun 100 tlum sizung ngan pawl ah Covid-19 checknak Gene Xpert seh a hmang thiammi sibawi kan herh.

“Cubantuk sibawi kan ngeih ahcun Gene Xpert seh cu sizung kip ah chap khawh a si hnga.

“Lunghrinh mizaw an tam/karh ahcun Yangon ah kuat a har. Yangon zongah mizaw an tam tikah tlamtlin lonak a um kho. Ihkhun 100 um sizung ngan pawl ah Covid-19 checknak seh chiah khawh dih ahcun a tha.

“Abiapimi cu seh tonghtham thiam sibawi a herh tikah sizung kip ah mah seh chiah cu a fawi lo” tiah Pu Pau Lun Min Thang nih a chimchap.

Chin state ah Covid-19 zawtnak ngei hmuhmi dihlak 18 an si. – Chin World

Follow US

102,147FansLike
53FollowersFollow
731SubscribersSubscribe

Ṭial Tharmi

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.
- Advertisement -