Hakha Kan Zamtak Lai Lo

- Advertisement -

Kan Chinram cu Pathian pekmi ram a si. Hakha cu Ciin Rungtlang tangah Bawipa nih a ven i thlua a chuahmi kan khualipi dawh a si. Kan Chinram kip in inntung kan dirh i dawtnak he khua kan saknak ṭinak khua a si. 

Zei bantuk thil hmanh tlung ai kun, zamtak dingah Bawipa nih a kan pekmi khua a si lo. Himnak le dornak caah Bawipa nih a venmi le thlua a chuahmi khua a si. 

Inn le lo le khua le ram cu minung kan um lo ahcun a king i huham a ngei lo. Minung chim lo zu le va le inn zuat saṭil hmanh an ning a ṭi. Cucaah hlan lio kan pipu hna nih a chim tawn mi cu thlichia a hran zongah khua le ram, inn le lo cu zamtak hlah u an rak ti tawn. Minung umnak inn cu huhaam a um caah thlichia hmanh nih minung um lo nak inn tluk cun a hrawk kho lo ti a si. 

Cucaah HAKHA khuasa mi nih:

1. Hakha cu zamtak ding siloin dornak le himnak caah hlumh hna u si.

2. Dornak le himnak a herhmi hna caah dornak hmun ah hmang hna u si.

3. Kan ral ṭihmi siloin kan ral nih ṭihmi kan si a herh. 

4. Mifir le mi ṭhalo nih cun thil ṭha lo tuah an timh tikah minung chim lo chizawh thawng an theih hmanh ah a lau. Mifir bantukin kan ram cia ah a rami mi ṭhalo hna cu kanmah minunh kan um poah ahcun an i phuhrung lai i a kan ṭih ko lai. 

5. Atu zongah inn le lo khua le ram kan hlumh caah ralhrang pawl hmang an ralchia. A lal ngaimi an i lawhter hna nain an thinlung chungah ther le phang in zeitik kan thih lai tiah zaan hmanh an it kho lo. An i tler khawn tawn cu thih lai lunglen bantuk men a si. 

6. Kan dihlak in kan ralkap hna (CDF le CNA) hna dirkamhnak caah dalan ṭuan dih hna usihlaw kan ral cu kan tei hrimhrim ko lai. 

7. Pingpang i kan thih sual hmanh ah kan inn le kan lo, kan khua le kan ram ah man ngei in thi ko hna u si. 

8. A bik in Hakha cu Khrih khamhnak thawngṭha a rak phortu Rev. Carson le Laura hna i an lu phumnak khua a si kha philh hlah u si. Pathian thawngṭha ceunak nih a venmi Hakha cu muihnak a rak phortu mi ṭhalo hna nih cu an hrawk kho lai lo.

9. Cu caah himnak le dornak duh ah a rak kan panhmi paoh cu dawtnak he ṭha tein kan nun hrawmh khawh i zuam hna usihlaw Pathian thluachuah i ham hna u si. 

Ka nolh ṭhan lai. Hakha kan zamtak lai lo! Rak SHARE ve hrimhrim

Ref: CDF-Hakha Supporting Committee of North America

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...