Hakha dawr pawl customer service cuanhnak

Hakha dawr pawl customer service cuanhnak

Chin Christian University ah BBA kum 4nk a kai liomi siangngakchia hna nih Hakha khuapi chung dawr pawl ah customer service kong hlathleinak an tuah. Hakha dawr ngeitu hna sin ah customer service cu zeidah a si ti theihter an duh caah mah hi an tuahmi a si. A tanglei video ah tling deuh in zoh khawh a si.

BBA (Final Year – CCU): Hakha khua chungah dawr ngeitu pawl nih thilcawtu an chawnhbiak hna tik ah chanbaunak a tampi. Chanbaunak tampi a umnak a ruang hi dawr ngeitu le thilcawtu nih customer service timi an theih a tlawm caah a si tiah kan ruah.

Zeiruang ahdah customer service tha cu kan herh ti ahcun Hakha cu khualipi a si caah khual pawl nih a kan hmuhnak ding mithmai kan si.

Atu lio Hakha sining hi zoh tik ah kan tthangcho chin lengmang. Customer service lei ah kan chanbau ngei. Ceukhat dawr ahcun aa uah ngeimi kan lo. Customer/ Thilcawtu kha aww nem, bia dawh le bia ttha in chawnh kan hmang lo. Hmai panh te zongin chawnh kan hmang lo.

Cheukhat dawr cu phone tuai hmangmi kan um. Dawr thil kan zoh tik zongah tha tein a kan zohpi kho lo. A poi rihmi cu, dawr kan kal tik ah kan thilhruk ning a kan zoh i a kan chawnhbiak ning zong aa dang. A ttha lo ngai.

Cheukhat dawr cu a thinhungmi an lo i, kan chawnh hna tik zongah tha tein a kan chawn duh lo. Cheukhat dawr cu kan dawr thil hi mi tam deuh in kan caw hna seh tiin mi chawnbiak zong an hmang lo.

Customer service tha kan timi cu dawr chung kan luh hlan bak khin ‘rak kan leng uh! zeidah kan in bawmh khawh hna lai?, nan duhmi kan ngei hnga ma?’ tiah tluangtlam te le panh tein chawnhbiak kha a si.

Cun, thilcawtu pawl sin ah lungsau tein chawnhbiak khawh hna zong kha a biapi tukmi a si. Cun, thilcawtu pawl an tin lai ah ‘kan i lawm tuk, kan leng tthan te uh!’ ti chim kha a biapi tuk fawn.

Thilcawtu ttha tein a chawnbiami dawr ahcun thil pakhat khat cawk ta lo in an ttin siang lo. Dawr ngeitu zong income a tam deuh. A hnu zong ah fuh tthan lengmang an si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.