Tu chun 3:30pm hrawngah Hakha, Cherry lam ah Kawl Ralkap nih Dr. Mang Biak Kung an tlaih.

Kawl Ralkap nih Cherry lam ah minung an check hna. Drone hmangin cunglei in mi an kawl pah hna hi an tlaih hi si.

Dr. Mang Biak Kung cu Hakha sizungpi lutlai hlun asi.

Hakha sang dang zongah CDM a tuahmi cozah rianṭuan nu pakhat an tlaih ve. Tuni ah Hakha ah minung 2 an tlaih hna tinak asi.

Tuan deuh, 1pm hrawng zong ahkhan Chin Oo Si sang um Myanmar Economic Bank pawngah meithal voi 2 an puah.

Pawngkam mipi an lau tuk i thinphang le nunnak kawl in inntang ah an zaam dih hna. Atu tiang lawlawse cu meithal thawng a dai rih.