Hakha ah Ralkap Helicopter a ṭum

- Advertisement -

Tu zingka 10:30am hrawngah Hakha khua Rungtlang ralkap sakhan ah ralkap helicopter a ṭum.

Northwest Commander Lt. Gen Than Hlaing aa citmi si lai, tiah zumh asi.

Nizaan tihni ah Kawl Ralkap LID 11, 33, 55, 88, 99 le 101 phu in ralkap 400 leng tank 2 le motor 50 hrawngin Hakha an phan.

Mah pawl cu raltuk an thok hlan ah Northwest Commander Lt. Gen Than Hlaing nih a hung vehmi hna si dawh asi.

A ra laimi ni tlawmpal cun Hakha le Thantlang pengah ral a fak tuk kho men.

Hakha a phanmi ralhrang Kawl Ralkap pawl cu Thantlang lei lan kho hna hlah seh tiin CNF le CDF nih nizaan ah Timit Hlei an hrawh.

Kawl Ralkap pawl cu Hakhathar ah umhmun an khuar. Nizaan tihni le nizaan zingka ah Hakhathar sangmi 18 an tlaih ha.

An tlaihmi 18 chungah COVID-19 mizaw 6 an i tel. BEHS No. Sianginn mizaw zohkhenhnak ah an chiah hna. Mizaw 6 cu;

  1. Thawng Tling
  2. Rual Hlei Thang
  3. Tluang Za Nawl
  4. Lal Uk Lian
  5. Rual Lian
  6. Isaac hna an si.

Adang pawl cu Rungtlang le Palik Sakhan ah an chiah hna. Rungtlang Ralkap LID 266 Sakhan ah minung 6 an chiah hna. A taangmi nu 6 cu Palik Sakhan ah an chiah hna. Nu 1 cu naupawi liomi asi pinah COVID-19 in a zaw liomi asi.

Kawl Ralkap pawl Hakha an luh lio – Oct 20th
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...