Chin khualipi Hakha ah Meithat Zung nih mei ral in i ven ning cawnpiaknak a tuah.
Mei kaang a tlawm deuhnak hnga le mei thahnak gas dur hman an thiamnak hnga caah ‘mei ral i ven ning cawnpiaknak’ cu September 25 chun hnu 2pm in Mount Carmel Private sianginn ah an tuah.
Hakha District Meithat Zung bawi changtu Daw Hung Thang Ue nih mei kaang a chuahnak hnga lo i ven ning a chimh hna i theihtlei tialmi catlap zong a pek hna.
Meithat zung nih an hmanmi mei thahnak seh pawl kong le uniform kong a chimh hna, mei thahnak gas dur hman ning a tak in a cawnpi hna.
Cawnpiaknak ahcun Mount Carmel Private sianginn sayaci, saya/ma le siangngakchia pawl an i tel hna.
- Advertisement -
