10.5 C
Hakha
Monday, March 1, 2021

COVID-19

Vawleipumpi
114,672,267
A zawmi
Updated on March 1, 2021 1:00 am
Vawleipumpi
2,542,553
A thimi
Updated on March 1, 2021 1:00 am
Vawleipumpi
90,205,799
A dammi
Updated on March 1, 2021 1:00 am

Hakha ah mah nawl in sakmi inn 100 leng thaizing an hrawhpiak hna lai

Advertisement

Khonumthung — Hakha hmun thar samh timhmi chungah mah nawl in sakmi inn pawl cu thaizing August 20 ah Chin state cozah nih a hrawhpiak hna lai, tiah kan theih.

Tuni ah tuahmi Chin state cozah le media thla fatin tonnak meetingah cozah biachimtu Sipin Vuanci U Soe Htet nih hitin a chim.

“Cozah zung kip rianṭuan pawl cu thaizing 7am ah minung kan i khawm lai i 8am in hrawh kan thok lai. Zaanlei 6pm tiang kan hrawh lai.

“Inn 8 cu a ngeitu nih ‘kanmah tein kan ṭheh lai’ an ti caah cozah nih a herh ningin ṭheh kan bawmhte hna lai. Adang inn paoh cu kan hrawh viar lai,” tiah a chim.

Hakha hmun thar samh timhmi cu kohkun (golf course) in Thantlang kal mawṭaw lam kam tiang asi. Hmasa ahcun inn 8 lawng an rak um nain cozah nih inn hmun samh dingin lam a cawh cangka in mah nawl in inn an sak thluahmah i atu cun inn 135 an sak cang.

Image: Chinland Post

Mah nawl in inn satu pawl cu ‘nanmah tein ṭhet ulaw i ṭhial uh’ tiah Chin state cozah nih thla 2 leng caan a pek cang hna nain an duh lo caah atu bantukin hrawh piak a timh hna hi si.

Inn hrawh tikah Chin state cozah zung kip rianṭuan le khua nupa zeimawzat an i tel lai i Chin state cozah le rampi cozah phungphai ningin hrawh an si lai, tiah kan theih.

“Kanmah tein kan ṭheh lai a kan timi inn 8 cu cozah nih inn hmun dang te chiahpiak kan timh hna,” tiah U Soe Htet nih a chim.

Hmun samh timhmi 676 acres cu;

  • Pe 100 kil-li hmun = ting 50,
  • pe 80 = ting 35
  • pe 60×80 = ting 25 le
  • pe 40×60 cu ting 10 tiah phun 4 in an ṭhen.

Samh timhmi ahhin inn hmun 717 a um lai i pe 100 kil-li hmun 22, pe 80 hmun 75, pe 60×80 hmun 445 le pe 40×60 hmun 175 an um lai.

Atutiang ahhin inn hmun a soktu minung 2,000 leng an um cang. Zei tik dah hmun thar an samh ṭhan te lai ti cu theih asi rih lo.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
114,672,267
A zawmi
Updated on March 1, 2021 1:00 am
Vawleipumpi
2,542,553
A thimi
Updated on March 1, 2021 1:00 am
Vawleipumpi
90,205,799
A dammi
Updated on March 1, 2021 1:00 am
- Advertisement -