Hakha ah inn a kaang i minung 6 nunnak liam

February 2, 2021 zinglei ah Hakha ah inn a kaang i minung 6 a kangh chih hna tiah kan theih.

Tuzingka sml 6:00am hrawng ah Dillo sang um Zokhua khuami Pu Hrang Cung inn le Thangtlang peng, Hriphi khuami Pu No Hnin inn a kaang.

Pu Hrang Cung inn hi dot 3 si i dot 2nak in mei kangh aa thok.

Dillo sang ah an rak i tthialnak a sau rih lo.

Inn ngeitu a fale minung 5 le a nau fa 1, an zate 6 nunnak liam. A kangh chih mi hna chung ah kum 2 ngakchia (an fa ngakchia bik) aa tel.

“Mei hi kan inn tang in aa thok. Kan chungkhar dihlak minung 10 kan si. 4 kan chuak manh” tiah inn ngeitu nih a chim.

“Tamp pi a um lo i electric in mei kangh aa thok hi si lai tiah ka ruah. Zingka mei ka kau lio ah mei kaang thawng ka theih i ka hei zoh ahcun an inn a lai cer thlalangawng in mei a tho i a leng lei ah a hung chuak.

“Inn a kaang tiin ka au i an pa a hung chuak. A dang kha ka hmu ti hna lo. A chung ah an um dih i an kaang dih rua hna tiah ka ruah i, chuak ulaw, chuak ulaw tiah ka au. Aho hmanh an chuak zok kho ti lo i a kangh chih hna,” tiah mit hmutu nih a chim.

A thimi hi Par Tha Hlei, Ngun Sui Par, Amon Bawi Chit Htoo, Ngun Cin Hniang, Ngun Tha Len le Samuel hna an si.

Inn pa Pu No Hnin hi inn 2 a ngei i pakhat cu mei nih ciam lak in a kangh. Inn pakhat inn hlang cu lo an riah kar si caah an luat.

Minung sinak in tuar khawh ding a si lo. Pathian nih an ngaihchiatnak hnem ko hna seh. Thlacamnak zongin bawm cio hna usih.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...