15.1 C
Hakha
Monday, June 21, 2021
- Advertisement -

Ṭial Tharmi

Hakha ah 4-star hotel pathum an sak lai

Chin state ah a um bal rih lomi 4-star level hotel pathum (3) sak dingin company le Chin state cozah nih lungtlinnak sachoh min an thut cang, tiah kan theih.

Hotel a satu ding company hna cu;

  • King Solomon
  • KL Amazing
  • Chanta Shwe May le
  • Aungkanta hna an si.

King Solomon le KL Amazing company cu Chinmi nih ngeihmi company an si i Aungkanta company cu Hakha um vuanṭhan pawl nih an hruaimi company asi, tiah Sipin Vuanci U Soe Htet nih a chim.

Chanta Shwe May company cu Mandalay hrambunhmi asi.

U Soe Htet nih, “ruahti a ko in sak an thok colh lai. Atu hi vawlei pungsan 105/106 cu Myo Piah Simanking Committee nih tuahpiak an timh hna lio asi. Mah dih cun sak an thok colh lai,” tiah a chim.

“Cheukhat cu kum 1 chungah lim dingin an sak lai i cheukhat cu kum 2 rau in an sak lai. Hotel 1 ah vawlei acre 4 le 5 kar kan pek hna.

“Cheukhat hotel cu 1 ah ting thong 30 hrawng a dih lai. Cheukhat hotel cu 1 ah ting thong 45 hrawng a dih lai an ti,” tiah a chimchap.

Hotel saknak hmun cu Kohkun (golf course) le Hakha College kar, le hmun thar samh timhmi chungah asi.

Charhchan: Zalen

4-Star Hotel cu zei tluk ṭha dah asi?

Khual nih fawi tein an duhmi hotel an hlan (riah) khawhnak dingah hotel chiatṭhiat cu a tlangpi 1-5 star in an ṭhen.

4-Star hotel cu zaraan hotel nakin zeilei paoh ah a ṭha deuh lai, tiah USA Today tadinca nih a fianter. USA Today nih 4-star hotel standards a ṭialmi cu atanglei bantukin si.

Khual Khaan (Guest Room)

Khual khaan chungah parihbawkah ṭhaṭha an chiah, ihkhun le ihphah ṭhaṭha an hman, sam chemnak seh, ti kholhnak ṭhaṭha, a hmai phengmi TV, electronic ṭhaṭha le quality ṭhami towel te pawl an chiah.

Zohkhenhnak (Services)

Khual pawl lenvahnak kong a khaan piak khotu le an duh herhmi paoh ruahnak a cheu khotu le a booking piak khotu hotel rianṭuan, khual mawṭaw park piaktu, tbk., an um lai. Front-desk rianṭuan ning zong zaraan hotel nakin a ṭha deuh lai.

Rawl (Food)

4-star hotel ahcun an rawl a thaw hrim lai. Mah level hotel hin cun rem tein ṭhut buin zaanriah einak restaurant zong a um chih lai. Dinh pah zaunak le chunnitlak zaan khuadei khaan thianhpiaktu an um lai. 4-star hotel tampi ahcun lobby ah changreu le coffee te pawl zong an chiah.

Hotel chung hman awk (Amenities)

4-star hotel ahcun ti lionak swimming pool le gym a um lai. Cun 4-star hotel tampi ahcun full-service spa zong an um. Mah pawl hi hotel chungah an um lo hmanh ah khual nih man fawi tein tuah khawh dingin khua chungum pakhat khat he lungtlinnak an ngeih hau.

Chawlehnak thilri (Business services)

Mah hi 4-star hotel paoh ah a um dih lo nain, 4-star hotel paoh nih cun khual hman awk ah, chan he aa tlakmi technology an ngeih cio awk asi. Hotel ngan deuh pawl lebang nih cun meeting tuahnak khaan (conference room) zong an ngeih chih.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -