15.1 C
Hakha
Monday, June 21, 2021
- Advertisement -

Ṭial Tharmi

Google nih Australia cozah $481.5 million a pek lai

Australia Ngunkhuai Zung (ATO) nih US hrambunh Google company cu kum 10 chung (2008 in 2018 karlak) tax a pek lomi a cawh i Google nih A$481.5 million liam dingin lungtlinnak an ngei cang.

ATO nih Facebook, Apple le Microsoft companies pawl zong tax an rak pek lomi a cawh dih hna i tutan ah Google nih a liam ding he cun A$1.25 billion a cawh khawh cang hna.

Ramkip ah sipuaizi a tuahmi company tumtlang pawl hi biatak tein tax an hrial caah ram cheukhat cozah nih cun biatak tein an cawh hna i taza an cuai hna.

Google company cu September thla zongah French cozah nih tax a cawh i A$1.5 billion a pek cang.

Australia cozah hruaitu Prime Minister Pu Scott Morrison nih kan hnu zarh ah, “ram tampi ah sipuaizi a tuahmi company tumtlang pawl hi tax upadi an buar tuk. Kan zohsawh hna lai lo,” ati.

Facebook, Uber, Microsoft le Apple company nih an dihlak in 2017-18 tangka kum chungah Australia mipi sin in tangka an hmuhmi hi A$12.5 billion asi. Mah chungah tax pek a haumi an income hi $666 million asi i 30% cio an pek.

Mah lio cun, Google cu amah lawngin A$1 billion bak a hmu nain tax pek a hau lomi a zuh dih hnu ah a taangmi chungin 19% lawng tax a pek.

Charhchan: The Sydney Morning Herald, Accountants Daily [Australia], The Guardian

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -