11.6 C
Hakha
Thursday, November 26, 2020

COVID-19

Vawleipumpi
60,837,024
A zawmi
Updated on November 26, 2020 11:54 am
Vawleipumpi
1,429,128
A thimi
Updated on November 26, 2020 11:54 am
Vawleipumpi
41,676,102
A dammi
Updated on November 26, 2020 11:54 am

Georgia ah Mee an Rel Ṭhan Dih Nain Trump a Sung Thotho

Advertisement

President Donald Trump le a ṭanhtu pawl caah thawngpang chia taktak asi. Georgia state ah Biden nih a teimi aa lungsak lo caah Trump nih “mee diklo tam tuk a um” a ti i mee rel ṭhan a fial hna.

Cucaah, Georgia State Thimnak Zung lutlai Pu Brad Raffensperger (Republican party member) nih mee kan rel ṭhan lai tiin a thanh i state pumpi mee vialte cu ni 6 chung bak an kut in an rel ṭhan i tuni ah an lim, Trump a sung thotho.

Hmasa ahcun Biden nih mee 14,000 hrawngin a rak tei, nain mee an rel ṭhan hnu cun mee 12,284 in a tei. Georgia state ahhin mee a thlami 5 million leng an um.

Mee an rel ṭhan lio ah peng/county 4; Floyd, Fayette, Walton le Douglas ah mee rel lomi 5,600 leng an hmuh. Floyd county te lawng bakah mee rel lomi 2,600 an hmuh caah cazin tlaitu Pu Robert Brady cu Mee Zung Rianṭuan Dihlak lungtlinnak in an phuah.

Floyd, Fayette le Walton county ahcun hmasa bantukin Trump nih a tei nain Douglas county ahcun Biden nih a tei.

County dang pawl ahcun mee an rel ṭhanmi zei aa hlei lo, hmasa he result aa khat ko, mee 9 nak tlawm lawng aa dang. Georgia state ahhin county 159 um.

Trump ṭanhtu pakhat nih Georgia state Thimnak result hi fehternak certificate chuah rih hlah uh tiin tazacuainak a tuahmi zong tuni ah Rampi Biaceihzung nih a hnon piak.

Thaizing (Ningani) ah Georgia State Thimnak Zung nih Election Result fehternak certificate chuah ding asi cang, Trump nih mee rel ṭhan dingin a fial hoi hna ahcun kut in rel ti loin high-speed scanner in rel a hau cang lai.

US President Thimtu Upa (Electoral College) 538 an um. Minung tamnak state California le Texas bantuk ah tam deuh an um. State pakhat ah mipi mee tam deuh a hmumi nih mah state um thimtu upa mee dihlak kha i lak si.

Thimtu upa mee 538 chungah acheu fai simi 270 tal ngah lawngah teinak co asi. Biden nih 306 a ngah i Trump nih 232 lawng a ngah. Cucaah, Biden nih a tei tiin US le vawleipumpi nih cohlan dih asi cang.

Sinain, Trump nih a sunghmi a cohlang duh lo i zeihmanh tehte chuahpi khawh ṭung loin “mee diklo a tam tuk, mithi min hna in mee an thlak …” ati i thimnak result cu fehter lo dingin state tampi biaceihzung ah tazacuainak a tuah thluahmah hna.

Nain tehte zeihmanh a chuahpi khawh lo caah tazacuainak a tuahmi pawl cu pakhat hnu pakhat in a sung thluahmah. Biaceihzung sangbik a simi Supreme Court tiang kan phan lai ati nain nihin tiang ah thimnak kong he pehtlai in tazacuainak a tuahmi hi Supreme Court a phanmi an um rih lo. Direct in Supreme Court ah kal a ngah lo. Biaceihzung niam pawl nih an ceih dih hnu lawngah Supreme Court ah kai khawh asi.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

COVID-19

Vawleipumpi
60,837,024
A zawmi
Updated on November 26, 2020 11:54 am
Vawleipumpi
1,429,128
A thimi
Updated on November 26, 2020 11:54 am
Vawleipumpi
41,676,102
A dammi
Updated on November 26, 2020 11:54 am
- Advertisement -