11.6 C
Hakha
Thursday, November 26, 2020

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm

France Khrihfa Biakinn Chungah Muslim Pa nih Minung 3 a Thah Hna

Advertisement

France ram Khrihfa biakinn chungah aa pummi pawl muslim pa nih namte in a ṭhuat hna i minung 3 a thah hna, 2 an lu a tan hna.

Nice khua ah a ummi Khrihfa biakinn Notre-Dame Basilica cu muslim pa nih a luhhnawh i aa pummi pawl namte in a thah hna hi si.

Biakinn chungah nu pakhat le pa pakhat an lu a tan hna.

Nu pakhat cu a zaam kho i biakinn pawng zuu dawr ah aa thup nain a thi tamtuk chuah caah a thi.

Muslim pa nih khrihfa biakinn chungah ah khrihfa 3 a thah hna nak nehnang

Palek nih hriamnam he Notre-Dame Basilica biakinn cu an luhhnawh i muslim pa cu an kah i an tlaih. Mah biakinn hi Nice khua um RC biakinn nganbik asi.

Nice khuabawi Pu Christian Estrosi nih, “muslim pa cu ‘Allahu Akbar (Allah a nganbik)’ tiin a au thluahmah, palek nih an kah i tlaih hnu zongah a au peng,” tiah a chim.

Minung 3 thah an tonnak biakinn pawng palek motor hram ah minu lunngkuai in a ap

“A za cikcek cang. Misualpa cu palek nih an kah i sizung an kalpi. A nung ko,” ati.

France magazine Charlie Hebdo nih Prophet Mohammed cartoon a chuah caah muslim thin a phawh i hitin khrihfa biakinn chungah muslim pa nih a thah hna hi si.

France Ramchung Vuanci Pu Gerald Darmanin nih, “atutiang thil sining kan theih tawk ah, ralhrang tuahsernak asi. Mah biakinn pawngah hohmanh um hlah uh, palek nawl chuahmi zul uh. A rannak in meeting kan tuah lai,” tiah a chim.

Cartoon chuahtu cu France President le mipi nih an dirkamh hna caah muslim pawl an thin mei bang a lin. Muslim ram simi Iran le Turkey president zong thi dengin an zai i France cu a tuhmi kan zunter lai, an ti.

Muslim pa nih khrihfa 3 a thah hna nak khrihfa biakinn

France ram i sianginn saya Samuel Paty, kum 47 zong khaan chungah siangngakchia pawl Prophet Mohammed cartoon a piah hna caah kum 18 muslim pa nih October 17 ah a thah i alu tan. Muslim pa cu France nih a lakmi refugee asi.

Lainawng muslim pa cu palek nih thi lakin an kah. A chungkhar le amah he aa pehtlaimi minung 9 an tlaih hna.

Mah lio cun France President Emmanuel Macron nih, “kan ram nih cartoons kan suaimi kan ngol lai lo, ralhrang tlerh luklak kan ṭih lo, ralhrang kan nawn hna lai” a rak ti.

Palek nih biakinn chungah muslim pa an luhhnawh lio

France mipi zong nih ‘zalong tein chimphuannak nawl kan ngei, Prophet Mohammed cartoon suai le tar cu zalong tein chimphuannak nawl nih a onhmi si…’ an ti.

France President nih, “France rammi zatlang nun a hrawktu muslim kalsual pawl hi fak deuh in kan kham hna lai,” ati.

Paris khua Pantin sang um muslim inn 120 leng palek nih an luhhnawh i muslim ralhrang an kawl hna.

Charlie Hebdo magazine cu Prophet Mohammed cartoon a rak chuah ruangah 2015 January 7 ah muslim pawl nih an zungah an luhhnawh hna i minung 12 an rak thah hna.

Nizaan ah Iran President Hassan Rouhani nih, “France nih Prophet Mohammed cartoon nan chuahmi nih hin buainak le thisen a luanter te lai,” tiah a tlerh hna i tuni ah minung 3 thah an ton hi si.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm
- Advertisement -