Fianternak: Myanmar ah UN ralkap thlah dingin bia an khiak lo

- Advertisement -

“Myanmar ah UN ralkap thlah dingin bia an khiah. Myanmar ah UN ralkap an lut lai … ” tiin nai hrawng cu FB ah thawngpang tampi a leng.

A dik lomi si. Myanmar ah UN ralkap thlah dingin bia an khiak lo. “R2P” tiin zapi nih theihmi “Responsibility to Protect” cu UN ralkap thlahnak asi i UN Security Council (UNSC) lawng nih a khiah khawhmi asi.

UN Security Council (UNSC) nih “Myanmar ah UN ralkap thlah (R2P) dingin bia a khiak lo”.

Zeitin dah mah thawngpang diklo hi a chuah kun?

US ram, New York ah a ummi Global Center for R2P timi NGO pakhat nih, “Myanmar ralkap nih mipi a thah thluahmah hna caah UN Security Council nih UN ralkap thlah hnawh a herh,” tiin UN Security Council forhfialnak cathanh a chuahmi kha mi tampi nih “UN nih Myanmar ah UN ralkap thlah dingin bia a khiah” tiin an ruah palhmi asi.

Global Center for R2P cu UN asi lo pinah UN ralkap thlahnak (R2P) nawl a ngeimi zong asi lo. “Mah ram ahhin UN ralkap thlah (R2P) a herh maw” tiah a ruahnak a langhtertu le thlahnak nawl a ngeimi UN Security Council a forhfialtu NGO sawhsawh asi.

Global Center for R2P nih cun “China nih Uyghur muslim a thahnawn peng hna caah China ah UN ralkap thlah (R2P) a herh” ti zongin a thanh i ‘asen (red alart)’ ah a chiah ko. Nain mah thawngin China ah UN ralkap an thlah hna lai tinak asi lo.

Cu bantukin, Global Center for R2P nih “Myanmar ah UN ralkap thlah (R2P) a herh” ati i ‘asen’ ah a chiah thawngin Myanmar ah UN ralkap an thlah hna lai tinak asi lo.

Kan chim cang bantukin, “UN ralkap thlahnak (R2P) nawl a ngeitu cu UN Security Council lawng asi”.

Mah kong cu London hrambunh BBC media nih Global Center for R2P hruaitu Dr. Simon Adams interview an tuahmi zong atang ah zoh khawh asi.

UN Security Council nih Myanmar ah UN ralkap a thlah lai maw?

Hmailei kong cu 100% kan chim kho lo. Nain a thlah lai lo ding cu 99.99% a fiang ko.

Aruang cu, UN Security Council (UNSC) ahcun ram 15 an um i ram 5; China, Russia, US, UK le France hi zungzal chungtel an si i UNSC biachahmi leetnak nawl (veto power) a ngeimi an si.

Cucaah, China le Russia nih an duh lomi cu UNSC nih zei hmanh a tuah kho lo. China le Russia nih cun anmah miaknak caah Myanmar ralkap an dirkamh ti cu zapi hngalh asi ko.

Cucaah, UNSC member ram vialte nih Myanmar ah UN ralkap thlah (R2P) dingin an lungtlin zongah China silole Russia silole an 2 ningin ‘veto power’ an hman lai i thlah lo ah a cang ko lai.

UN ralkap thlah cu chim lo, China le Russia nih an duhlo ruangah atutiang hi UNSC nih “Myanmar ralkap nih uknak na firmi (coup) UNSC nih kan cohlang lo ti hmanh cathanh a chuah kho lo. “Mipi fahnak pek i sum” ti te lawng a chuah khawh. Phun dangin chim ahcun, Myanmar ralkap nih uknak a firmi hi UNSC nih a cohlan bantuk ah a tla. Mah kong cu mah hi hmet law ka ṭial ciami tling tein rel khawh asi.

Theihternak: Mah hi tha chiatnak caah kan ṭialmi asi lo. The Chin Express cu kan miphun sinah rinhtlak a simi thawngpang dik thanh aa zuam pengmi kan si bantukin kan miphun nih thil dik hngal hna seh, ti kan duh caah thil dik kan ṭialmi asi.

Na rel cang maw? CNF Chairman Pu Zing Cung: Ramdang ralkap an ra lai lo, kanmah Kawlrammi nih kan ṭuan herh

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...