Falam pengkulh Bawi Changtu U Yi Mon cu a fanu 2 nih an hlawt

- Advertisement -

Falam pengkulh Bawi Changtu (Deputy Administrator of Falam district) pa cu a fanu 2 nih “hringtu pa sinak in kan hlawt” tiah an Facebook ah atanglei bangin thawng an thanh.

A fanu Thiri Yi Mon nih, “hringtu ka pa U Yi Mon he kan ruahnak le duhnak aa khah lo caah U Yi Mon cu kan chungkhar he zeihmanh aa sai ti lo. U Yi Mon he aa pehtlaimi paoh cu kan chungkhar he aa pehtlai ti lo tiah thawng kan thanh hna,” tiah a ṭial.

“Kei cu U Yi Mon bantukin thluak ṭawl a tongmi ka sinak hnga lo le thil dik a upatmi si dingin aa ka cawnpiaktu ka nu lei lawngah ka dir zungzal cang lai.

“Ka nu, kaa lawm tuk.

“Kan chungkhar dihlak in bia kan chah cangmi si caah kan lung kan ṭhul hrimhrim lai lo.

“Nan dihlak in social punishment kan tuahpi cio uh,” ati.

A fanu Tawda Yi Mon nih, “Social punishment kan tuahpi cio uh. Kan bawm cio uh.

“Mah pa nih hin, Pau Dothlennak (နွေဦးတော်လှန်ရေး) ah aa telmi a fale kanmah ṭhirual pawl an thihmi hi ka ngaihchia lo, lam an zawh caah an thihmi si, ram an buaiter caah an thihmi si ati.

“Amah zong CDM a tuah lo pinah CDM a tuahmi cozah rianṭuan pawl nehsawh thlanglamhnak bia a chim.

“Mipi lei ṭang in ralkap uknak a dohmi kan chungkhar zong a kan tlerh. Hi bantuk minung hi cu zeitik hmanh ah a thisa chungkhar ka si ti lo. Social punishment kan tuahpiak cio uh. Kaan nawl hna.

“U Yi Mon he aa pehtlaimi paoh cu kan chungkhar he aa pehtlai ti lo i ka nu lawng hi kan zeizong asi i U Yi Mon cu zungzal in zungzal tiang kan chungkhar in kan hlawt cang tiah thawng kan thanh hna,” ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...