Falam ah miruak an hmuh, CDF-KKG asi lai tiah an zumh

- Advertisement -

Chin ramkulh, Falam khua i Lungpi sang (hmasa ah Rialti khua timi) ah nizaan October 23 zingka ah CNDF nih Kawl Ralkap hmenhmi bomb kawl thianhnak an tuah lio ah aho si hngalh lomi mipa pakhat ruak an hmuh.

October 13 ahkhan Kawl Ralkap pawl Falam in Hakha lei an chuak i mah zaan cu Lungpi sang (hmasa Rialte khua) ah an riak.

Khuami pawl cu October 13 zingka ah lamnai ramtang ah an zaam dih i nizaan October 23 kha avoi 1nk bik khua ah an hung kir/tlun asi.

CNDF biachimtu nih, “Tu zingka ah Kawl Ralkap hmenhmi bomb kawl thianhnak kan tuah lio ah a thumi rim kan theih i kan zoh cu khua chung lamkam ah ruak kan hmuh,” tiah a chim.

“Khuami cu a tlaumi an um lo. Kanmah ralkap zong a thimi le tlaumi kan um lo.

“Kawl Ralkap pawl Kalay in Falam lei an rat lio ah CDF-KKG ralkap 3 an tlaih hna i an i ratpi hna tiah kan theih. Mah 3 chungah pakhatkhat asi hnga maw tiah kan zumh.

“Aruak a thuman tuk cang i aho si hliah khawh asi ti lo,” ati.

Ralhrang Kawl Ralkal pawl nih Lungpi sang (hmasa Rialti khua) i baptist biakinn le khuami inn 12 an khangh piak hna.

Ralhrang pawl nihhin Kalay in Chin ramkulh an kai pah ah Falam peng Tuphei khuami 2 an rak kah thah hna i an ruak cu lamkam ah an hlonh hna.

Ref: Zalen

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...