Tuni zong Chin state, Falam khua ah COVID-19 mizaw 15 an hmuh hna. Mizaw hmuhmi dihlak 502 an si cang.

Tuni ah Falam COVID-19 mizaw pakhat a thi. A thimi dihlak 14 an si cang.

Mizaw 240 cu an dam i sizung in an ṭin cang.

Nizaaan ah Hakha ah COVID-19 mizaw 9 an hmuh chap hna

Nizaan June 29 ah Hakha ah COVID-19 mizaw 9 an hmuh hna.

Minung 9 lakah 2 cu ChinOosi sangum Hakha Ciinnuai Christian Fellowship i Durwan nuva an si.

Anmah he aa lengkaimi le chawnbiami minung 19 zong zahan zaanlei ah GTI FQ ah an check hna i minung 7 zawtnak an ngei ve.

“Hakha ah COVID-19 zawtnak a karh tuk cang, kan i chawn tuk cang hna tinak asi,” tiah Hakha Christian Minister’s Fellowship (HCMF) Secretary Rev. Dr. Stephen Lian Hup Ling nih a chim.