Facebook nih fake account 5.4 billions hrawng a thah

- Advertisement -

Facebook nih, “tu kum chungah fake account 5.4 billions hrawng kan thah i, ngakchia hremnak le mahlemah thahnawnnak an tarmi million tampi zong kan hlonh,” tiah Nithumni ahkhan a thanh.

“Tu kum April thla in September thla kar lawngah fake account 3.2 billions kan thah.

“Fake account ser a karh chin lengmang. Fake account an sermi pawl cu minutes tlawm pawl hnu ah kan thahpiak colh lengmang hna.

“Fake account an sermi pawl cu a si khawh chungin theih khawh le kham khawh kan i zuam. Fake account theihkhawhnak system kan sermi nih ni 1 ah fake account million tampi a kham khawh,” tiah Facebook nih a ti.

Mi hlennak, ahlei in ramkel miaknak le zatlang sining thlen duh in a dik lomi tarnak caah a phuphu in tuahmi fake account pawl cu Facebook nih asi khawh chungin thahpiak aa zuam.

Facebook nih fiang khitkhat tein report ca a chuahmi zoh tikah, cozah, ahlei in US cozah hrim nih Facebook account ngeitu pumpak konglam Facebook sinah a halmi a tamtuk.

Tu kum tanṭim tiang ah cozah nih Facebook sinah minung 128,617 accounts konglam a hal. Ni kum a halmi nakin 16% bak a tam deuh.

Facebook company sinah pumpak a account konglam a hal biktu cozah cu US asi. A changtu ah India, UK, Germany le France an si, tiah Facebook report ca chungah kan hmuh. — Channel News Asia le Reuters

Ṭial Tharmi

Chin State Mark Sangbik 10 – Tang 10 Result

Tuni a chuakmi Tang 10 result ah Chin State mark sangbik 10 cu atanglei hna hi an si. 1....

Hakha in Minung 3 nih 4D an Hmuh, an Mark Hmuhmi Zat

Tu zingka a chuakmi Tang 10 result ah Hakha in minung 3 nih kungṭhu 4 (4D) an hmuh.

Malaysia nih COVID-19 Zulhphung Buartu Minung 164 Dantat

COVID-19 zulhphung (RMCO) a buarmi minung 164 cu tangka dan kan tat hna, adang 16 cu an kong ceih dingin kan hren...

Myanmar Cozah nih Naupawi Pawl Bawmhnak Tangka a Pek Hna Lai

Naupawi pawl COVID-19 ruangah vitamin an baunak hnga lo Myanmar cozah nih state le region tam deuh ah bawmhnak tangka a pek...
- Advertisement -