Elon Musk _ Tesla CEO Elon Musk nih Facebook le WhatsApp hi an him ti lo caah a dang ah i thial u tiin forhfialnak a tuah.

Pumpak sining kongah an him ti lo caah messenger app a si vemi Signal kha hmang deuh u a ti.

WhatsApp nih a hmangtu pumpak konglam: an phone number, IP umnak le pehtlaihnak pawl kha midang sinah a hrawmh khawh a ti.

Cucaah, himnak ah a tha bikmi cu Signal le Telegram app ah i thial diam kha a si ko a ti. WhatsApp hmangtu na si ahcun na pumpak konglam kha Facebook ah na hrawmh a hau cang lai.

Elon Musk nih a chim thokin Signal le Telegram hmangtu an hung karh ngaingai. Ni khat chungah 100,000 nih Signal kha installed an tuah. 2021 (1-7) thokin WhatsApp install tuahmi 11% in an tla ti si.

Comment pakhat nih, “Elon Musk hi Trump dirkamhtu a si,” a ti. A dang nih Twitter, Facebook le WhatsApp hi chuahtak dih ding an si. A him deuhnak hmun ah i thial a tha. Trump pumpak kong hmanh ah nawlngeitu an si cun kannih tham cu zei kan si lo a ti.

A dang pakhat nih, “Facebook, WhatsApp te pawl cu Tuluk CCP makpa pei a si ko cu,” a ti.

WION (January 10, 2021)