17.1 C
Hakha
Sunday, July 25, 2021
- Advertisement -

Ṭial Tharmi

Evan ‘BROTHER YUN’ Tuanbia Tawi: Hi Pa Kong Hi Na Rel Bal Maw?

BROTHER YUN __ Brother Yun cu Tuluk ah 1958 ah a chuak. A nu hi zumtu a rak si. Communist Party nih missionary an thawl dih hna. Biakinn zong an khar dih.

Pawlkawmh ding zumtu unau an ngei lo. A pa cancer in a zaw. A nu lungdong in amah nun laak duhnak a ngei. Zaan khat cu a nu nih a ihkhun in, “Jesuh nih an dawt,” ti aw a theih.

Rel phu a cauk tialmi: Heavenly Man (Van mipa) le Living Water (A Nungmi Ti)

Ngaihchihnak mitthli he Jesuh sinah a nun a ap than. An chungkhar in Yun pa damnak caah thla an cam. Pathian nih an thlacam a thaizing ah a leh colh hna: a hung dam deuh ngaingai. An chungkhar ah thanghnak a tlung, an zate in zumtu an cang dih. Cu ahcun Brother Yun cu kum 16 a si. Bible an ngei lo.

Pathian Bia kong chim a nu nih a ngaih lonak caan a sau tuk cang. Yun nih, “Jesuh cu ahodah a si?” a ti. A nu nih, “Kan caah Vailamtah ah a thimi Pathian Fapa, kan sualnak le zawtnak vialte a kalpi tu,” tiin a leh. “A cawnpiaknak vialte Bible ah a khumh dih,”  a ti. Yun nih Bible umnak cu a hal nain a nu nih an um ti lo, an lotlau dih caah cawn awk a um lo a ti.

A nu nih khuate pakhat ah Bible ngeitu a rak theih balmi sinah khan a kalpi. Cu pa nih a ngeihmi Bible langhter kha a tih tuk caah a zohter ngam hna lo nain, “Bible cu van cauk a si. Na duh si cun van Pathian sinah na hal a hau. Pathian cu zumh a tlaak. Lung takin a halmi poh cu a leh zungzal hna,” a ti.

Yun cu Bible ngeih khawh nakding ah rawl ulh thlacam ai thok. Ni 100 chung nifatin khengkuarte khat buh lawng a ei. Pathian sinah Bible hal in a tap. A nulepa nih a thluak a rawk cang tiah an ruah. Zing khat cu an inka kingh thawng a theih. Mi pahnih nih Yun cu Bible an hung pek.

Thla a cam chung ahkhan Pathian nih khuadang ah a ummi Evan pakhat sinah bia a rak chim. Bible herhmi an um tiin an khua le an inn tiangin Pathian nih hmuhnak (vision) in a chimh. Pathian nih a hmuhsakmi nawl zulh le zulh lo ding kong kha saupi a ruah hnuah a va pektermi hna a si.

Ni 28 chungah Matthew zoh loin a chim khawh hnuah Lamkaltu rel hram ai thok than. Pathian bia a thei ballomi khua kha ‘vision’ in a hmuh. Cu khua ahcun a va kal. A va kal hlanin Yun nih Bible a dong ti thawng kha an rak theih i hmuh an duh ve ngaingai. Thawng Tha a thiam lo caah Matthew kha zoh loin a zate in a chim. Thlarau nih rian a tuan, sual ngaihchih khukbil thlacam in hrinthannak an co dih.

A hawile he kum 23 chung Thawng Tha an phuan chungah voi thum tlaihkhih tong in thonginn a cul. Thawng Tha a phuan ruangah kum 7 thonginn a tla. A kik hringhranmi thong ah an kalpi, a angki horha lakah an hlonhpiak. Kut an khihnak thir kha awnhter in sam 150 kha a sak.

“Ka sak tam deuh poh ah lawmhnak in ka khat deuh. Dir in Pathian ka thangthat. Duhsah in a kih tuk ruangah a con dihmi ka kutke kha an hung lum zuahmah, kik hmanh ka thei ti lo,” a ti. A intuarnak ai thok lawng si rih.

Cunglei cozah kutah an kuat hnu lebang cun an hremning a faak chinchin. Electric tuknak fung in an tuk. An duh poh in an chuih, an lamh. A tin karah/chungah thim an sawh.

Thongtla hmanh nih khan an nihsawh, caposaihnak ah an hman. Kutkhihnak thir he an thlai. Hmun dang hna ah an thial. A kutkhihnak cu a baanreek chungah a lut; a baan ruh tiang pawng/lang dihin an thlai. Cu chung vialte ahcun Pathian Bia nih khan a hnemh caah intuar khawhnak thazaang a ngei.

A voikhatnak an tlaih ahkhan a chungkhar hmuh khawh nakhnga tirawl loin Pathian nih thlacam seh a ka ti tiah ni 74 chung rawlulh in thla a cam. A Bible an chuhpiak caah thonginn ahcun zoh loin a rak thiammi hmangin Pathian nih bia a ruah zungzal. A taksa a faak nain a thlarau a dam.

((a tuanbia rel nuamh ai thokka lawng a si rih, a sau cang caah adang cu part II ah))

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -