Ethiopia PM Abiy Ahmed nih 2019 Nobel Peace Prize a ngah

- Advertisement -

2019 Nobel Peace Prize cu Ethiopia Prime Minister Abiy Ahmed an pek. “Daihnak lenter dingin le ramdang he i bawmh aa zuammi” ruangah an pekmi asi.

Ni kum ah Ethiopia nih Eritrea he daihnak a ser khawh. Kum 1998-2000 ramri ral ruangah kum 20 chung an i kah pengmi a donghter.

Norway khualipi Oslo ah tuahmi 100nk Nobel Daihnak Laksawng ngahtu thanhnak puai ah, amah nih a ngah tiin an thanh hi asi. Laksawng cu December thla ah a va lak te lai.

Nobel Daihnak Laksawng cu $900,0000 hrawng a si.

Nobel Daihnak Laksawng pek phu a si tiin min tarmi 301 bak an si. Minung 223 le bu 78 an si. Mah vialte lakah van ngah cu a sunglawi chiahru.

April 2018 ah Prime Minister asi hnu in, Pu Abiy nih Ethiopia ram ah zatlang lei he ramkhel lei he tampi zalonnak a lenter. Voi dang ahcun fek ṭhup in renghmi (control mi) ram asi.

Zuamcawhtu thong tampi thong in a thlah hna i ramleng zaam pawl zong ram chung ah him tein khuasaknak nawl a pek hna.

Nobel Committee nih, “Pu Abiy nih a innpa ram Eritrea he i dohnak daihter aa zuam ruangah Nobel Daihnak Laksawng kan pek hi si,” tiah thawng a thanh.

“Ethiopa le Nichuahlei le Nichuahchaklei Africa ram vialte ah daihnak ser aa zuammi vialte hna nan retheihnak kan in theihpiak hna ti hmelchunhnak ca zongah Pu Abiy hi kan peknak asi,” ati.

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -