8.2 C
Hakha
Tuesday, December 10, 2019
More

    Esther: Mah Phyu nih stage cung kai in a ka kuh ahkhan ka ttap dengmang

    Follow Us

    99,417FansLike
    260SubscribersSubscribe

    Ṭial Tharmi

    - Advertisement -

    Esther Dawt Chin Sung: Mah Phyu nih stage cung ah kai in a ka kuh ahkhan ka ttap dengmang. Keimah cu hla ka sak lio ahkhan hla chung lut dingin kaa zuam chih.

    Rehearsal tuah lio ahcun a hrom fak i hla ka sak tikah a sinpi lo. Zeitin dah ka sak ah tthat hnga ka ti. A hramthok ah lungdai tein ka um i Pathian sinah thla ka cam. Stage cung ka phak tiang ah ka hrom fahmi ttha rih lo.

    Nain, Pathian nih ka caah a tthabik in a ka thimhtuahpiak. Palhnak nganpi a um lo. Mood ttha tak in hla ka sak tikah mah Phyu stage cung a rak kai zong kha ka hmu colh lo. A ka kuh bak ahkhan ka ngaichia i ka ttap dengmang khi si. Mah Phyu cung ah kaa lawm tuk.

    Hla kan sakmi hi mee zuh in thimmi a si. Kei ka sakmi hla hi ka theih balmi hla silo. Nain, ka ngaih tikah ka feeling khawh colh. Keimah zong nih ka uar tuk i saya/ma te he kan i ceih hnu ah kaa thimmi a si.

    University ka kai ka in a dongh tiang tlangval ka ngei bal lo. Hawikawm lawng ka ngei. Ka hawile i minung 14 hrawng an si, an nih zong tlangval ngei lo lawngte an si hna i umtti, kal tti le eitti kan si hna.

    Ka tlinlo tuk buin nan ka dawt i thazaang nan ka pek. Tangka dih, caan pek te in vote zong tampi nan ka pek. Nan ka dawtnak hi kan cham kho hna lai lo. Thlacamnak lawngin kan bawmh khawh hna lai. Ramchung, ramleng thapetu nan dihlak cungah kaa lawm tuk.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.

    Na duh ve men hna laiRELATED
    Kaan thim piakmi an si