Esther Dawt Chin Sung nih Kawl pawl sinah fianternak a tuah

Esther Dawt Chin Sung nih Kawl pawl sinah fianternak a tuah

Esther Dawt Chin Sung nih Myanmar Idol hlasak aa zuam lio ah a ttah pah in ‘nulepa hmanh um loin….’ a timi kong he pehtlai in Kawl pawl caah fianternak a tuah.

“Kaa zuam lio ah ka chimmi nulepa hmanh um loin ka timi kha ka nu le ka pa an thi cang ka ti duhnak a si lo. Nulepa he i tthen in Yangon ah ka ummi kha ka chim duhmi a si.”

“Kaa zuam lio ah ka nu le ka pa ka ngai hna i ka hlam hna caah ka chimmi a si. Nulepa nih liam tak cu tong hram hlah ning. Atu ka ruah hmanh ah ka tih.”

“Biachim kaa palh ruangah nan zate ka theithiam hram uh tiah kan nawl hna” tiin Esther Dawt Chin Sung nih a Facebook cahmai ah a ttial.

Esther Dawt Chin Sung cu a ngakchiat lio i a sayama nu Khin Soe Win zong nih Facebook ah thapeknak ca a ttial i Esther nih aa share.

“Kawl holh ka rak thiam lo lio ah lungsau tein a rak ka chimtu sayama atu ka hmuh tthan cu kaa lawm tuk. Kahin upat ka pek,” tiah a ṭial.

Esther cu Myanmar Idol hlasak zuamnak ah auditon a awng cang i Yangon ah pehzulh in aa zuam rih lai.

Eshter cu Chin Idol 2017 ngahtu a si. Malaysia le ram 3nk Laimi zong nih hlasak an sawm pah lengmang. Atu hi Yangon ah University a kai lio a si.

Atu tiang kan theih tawk ah Myanmar Idol Season 4 ah Chinmi 3; Esther Dawt Chin Sung (Hakha), Benjamin Sum (Kalay/Falam) le Yaw Kee (Mindat) hna an i zuam.

An 3 in awhneksaknak (audition) an awng cang i pehzulh in Myanmar Idol ah an i zuam cang lai. An 3 in an awṭha ngai hna.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.