Atu lio Kawlram ah tuahmi Myanmar Idol hlasak zuamnak i Golden Week Theater Round-2 result cu nizaan ahkhan a chuak cang.
Tutan a bu (group) hlasak zuamnak ah Esther Dawt Chin Sung cu anmah group ‘MENT’ (minung 4) chung in amah lawng an thim.
Esther te group
Benjamin Sum te group hi ‘Four in One’ ti a si, nu 2 le pa 2 an si. An group ning in an kai.
Yaw Kee group hi ‘Insider’ ti si i pa lawngte an si. An group ning in an kai ve.
Esther cu Judge pa nih hla an sak dih in amah lawng hnulei ah a thawnter i ‘ka lungttha hrim lo’ a ti. Mah ahcun, Esther cu a mitthli tla thluahmah.
Benjamin te group
Cun, judge pa nih hmailei ah a dirmi minung 3 cu inn ah nan ttin lai a ti hna. ‘Esther, na kai rih lai i na rethei tuk lai caah ka lungthalo kan timi si’ a ti diam ko.
“Bawipa kaa lawm ti hlei chim ding ka ngei lo. Ka ttahnak a ruang cu Pathian nih a hngalh ko. Thazaang nan ka pek peng caah kaa lawm tuk. Ka si khawh chung in kaa zuam lai i ka feeling zong kaa sum deuh cang lai. Cheers” tiah Esther nih a Facebook cahmai ah a ttial.
Yaw Kee te group
Atutiang Chinmi chung in aa zuammi Esther Dawt Chin Sung, Benjamin Sum le Yaw Kee lak ah pakhat tal nih winner an ngah kho te hnga maw. Siloah, top 10 tel an phan kho te hnga maw ti ruah ah thin a tur ko.
