Esther cu Chin state cozah nih lawmhpinak puai a tuahpiak lai

- Advertisement -

Myanmar Idol season 4 winner Esther Dawt Chin Sung cu thaizing 9am ah Chin state cozah nih lawmhpinak puai kan tuahpiak lai, tiah Zatlang Vuanci Pu Pau Lun Min Thang nih tuni Esther donnak puai ah a chim.

Hakha nih Esther a don daan cu a sunglawi taktak. Liamcia kum hrabu chungah Hakha nih hi tluk sunglawi in rammi sawhsawh (bawi asi lomi) minung 1 a dong bal lo. Hakha Khuathar in Carson Hall tiang lamkam ah ngakchia in mino in tar tiang an dir hna.

Mah pinah Carson Hall an khat dih rih. A phak hlan suimilaam 2 in ruahpi a sur caah lamkam a dirmi pawl cu pawngkam ah an i dor. Cheukhat cu Carson Hall ah an lut. Cheukhat cu nithawng i chinh in an hngak.

Chin state cozah aiawh in Hlutdaw hruaitu Pu Zo Bawi, Lamsul Vuanci Pu Sui Thio le Zatlang Vuanci Pu Pau Lun Min Thang zong an ra ve.

Vuanci Pau Lun Min Thang nih, “Chin state in Esther Dawt Chin Sung nih Myanmar Idol season 4 winner a ngah tikah kan state mipi vialte kan i lawm dih ti cu zapi hngalh asi ko,” tiah a chim.

“Hlan ahcun Chin state hi music lei ah kan rak si kho pah ko nain kum saupi kan tlau, mah hnu ah Myanmar Idol nih winner caah Esther a hung thim tikah kan hung i hlau ṭhan.

“Thaizing 9am ah Chin state cozah zung ah Vuancichoh [Salai Lian Luai] telh in Chin state cozah nih lawmhpinak puai kan tuahpiak lai.

“Chin mipi aiawh in teinak hmu peng hna seh ti kan duh, i a hmumi hna cu thazaang peknak kan tuahpiak peng hna. ONE Championship ah teinak a rak hmumi Tial Thang zong Chin state cozah nih kan ton i lawmhpinak kan tuahpiak.

“Chin United Football Club zong Chin state cozah nih lawmhpinak puai kan rak tuahpiak cang. Kan fanu Esther zong teinak he a rung tlun tikah thaizing ah lawmhpinak puai tuahpiak kan timh hi asi.

“Kan state mipi nih teinak an hmuh peng khawhnak hnga caah Chin state cozah nih fimcawnnak lei in siseh, sports le arts lei zongin a lamkip in thazaang kan pek hna.

“Esther nih teinak a hmuhmi hi Hakha le Chin state ah hmun sehlaw, hmailei zuamnak kip zongah teinak hmuh khawhnak lam sialtu siseh law, Idol a simi Esther zong ngakchia hna caah a lamkip in zohchun awktlak si sehlaw Idol keng kho peng ko seh, tiin ka bia ka donghter,” tiah a chim.

Mah hnu, thaizing thiamthiam ah a chungkhar le dawtu hna nih lunglawmh thlacampiaknak an tuahpiak chih rih lai. Lunglawmhnak thlacamnak puai caah New Zealand um a nile, Australia um Ral Eng, Hakha Khuahlun le khua pakhat nih vok 1 cio (dihlak vok 4) an hlut.

Ṭial Tharmi

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 

Trump nih Tlaihhrem aa Ka Timh

US President Donald Trump nih kum 1997 ah tlaihhrem a rak ka timh, tiah model a rak ṭuanmi nu Amy Dorris nih...
- Advertisement -