15.1 C
Hakha
Monday, June 21, 2021
- Advertisement -

Ṭial Tharmi

Emily Ngunhlei Sung cu Chin ralzaam ngakchia bawm dingin CSO Malaysia a phan cang

US um awṭha Emily Ngunhlei Sung cu Malaysia ah tantakmi Chin ralzaam ngakchia hna fimcawnnak caah tangka kawlnak concert tuah dingin CSO Malaysia a phan cang, tiah CSO Chairman Tawk Lian Sang sin in kan theih.

Saya Tawk Lian Sang nih, “a phaknak zarh 1 hrawng asi cang. CSO sianginn ah ngakchia pawl ca a chim pah hna,” tiah The Chin Express ah a chim.

Malaysia cozah sianginn a kai kho lomi Chin ralzaam ngakchia 130 hrawng fim an cawnnak Chin Student Organization (CSO) sianginn ah lahkhah ngah lo zaanghleicawi tein ca a chimtu Chinmi 9 nih fund kawlnak caah gospel concert tuah an timh.

Concert ah hlasak piak dingin US ram in awṭha Emily Ngunhlei Sung, Myanmar ram in awṭha Sui Hlawn Rem le Bawi Thiang Bik, le Malaysia in awṭha Dawt Hlei Tlem an sawm hna caah atu bantukin Malaysia a rat hi si.

Hlasa pawl hi hlawh pek lo zaanghleicawi tein miphun caah an sawmmi hna an si.

“Sui Hlawn Rem le Bawi Thiang Bik zong November 12 hrawng ahcun Malaysia an phan ve lai,” tiah CSO Chairman nih a chim.

Gospel concert cu November 16 zaanlei 6pm in 10pm tiang Bukit Bintang ah sunglawi taktak in an tuah lai. Ticket man RM30 te lawng asi.

A hmun ah zaanriah (rawl) zong an zuar lai. Concert ticket le rawl na cawkmi nih kan fale fim cawnnak tampi a bawmh hna lai caah zaanghlei cawi tein cawk khawh i zuam ve.

Concert tuahnak hmun cu Bukit Bintang um Lot 10 dot 8nak ah asi lai. Sungei Wang Plaza ral i H&M thilpuan dawr a umnak inn i dot 8nak kha asi.

Concert tuahnak ding hmun hi, CSO sianginn ah zaanghleicawi in ca a chimtu Malaysia Tuluk Khrihfa pawl nih kan fale hna bawmh an herh tukmi an hmuh caah free tein an hlanhmi hna asi.

Ramdangmi hmanh nih dawtnak le zawnruahnak te he an si khawh chungin a kan bawmh lio ah Chinmi i kaltak hlah usih. Kan fale fim cawnnak caah ticket le rawl cawk in thazaang chuah cio usih.

Ticket cu atu hi an zuar liopi asi i na umnak hmun a phak lo zongah a hmun ah cawk khawh asi.

CSO siangngakchia pawl cu atu hi kum dongh camipuai an phit liopi asi i hmai zarh ah an dih lai. CSO sianginn cu Cheras le Puchong ah 1 veve a um. A pahnih fonh in siangngakchia 130 hrawng an um.

Inn hlanman le cacawnnak herhhai vialte caah saya/ma te nih anmah tein ramdangmi sinah bawmh an hal peng hna. Saya/ma te cu lahkhah an ngei lo. Zaanghlei cawi tein miphun dawtnak he ca a chimmi an si.

CSO Puchong sianginn kan lennak video atang ah zoh khawh asi.

US ram in CSO Malaysia ah zaanghleicawi in ca a rak chimtu Lily nih CSO le Chin Khrihfabu a hmuhning a chimmi video

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -