21.5 C
Hakha
Monday, February 24, 2020
More

    Elena Hniang Tha Par hla ‘Melody’ cu 1 million views leng ngah cang

    Follow Us

    99,980FansLike
    441SubscribersSubscribe

    Ṭial Tharmi

    - Advertisement -

    US um Elena Hniang Tha Par nih a sakmi hla ‘Melody’ cu Youtube ah minung tampi nih voi ting 12 (1.2 million) leng an zoh cang. Thla 8 chungah 1 million view a ngah hmasa bikmi Lai zuun hla asi.

    A hla ngaih tikah mi a leem taktak. Ahlei in ṭhangthar mino pawl ca hrim ahcun ‘zuu nakin mi a leem deuh’ ti usih law kan palh theng lai lo. A hla zul ve hmanh, an leem ve khawh men. Atu lio na uar bikmi hla a satthu khawh men.

    Lai zuun hla chuak thar ahcun a ṭha bik si, na ruat ve maw comment te.

    A aw neem te he a aw thlum tuk ning amak. A mui zong aa dawh fawn. A umtu daan zong duhnung tuk, actress a ttuan kho lai. Tlangval pawl cuai hna seh ka ti duhnak cu si lo.

    A hla hi a taktak (real life) ah a cang khomi deuh lawngte asi caah aho paoh nih i tahchun (relate) khawh dih asi. Hla ttialtu Honey Khuaitizuu hi Chin’s Got Talent ngah phu taktak a rak si, a men hrimhrim lo.

    Cun, video zeih an thiam tuk hoi. Video an zeih daan, Elena Hniang Tha Par lemcang a ttuan daan, le video an edit daan hrim a hla he ai rem tuk. Lai zuun hla video ahcun a mak cem si, keimah hmuhning tal ah mu.

    Comment zong a tam taktak. Amah balte Laica comment hmuh a har ngai. Mirangca lawngte in comment an ttial. “Mizoram in kan in uar tuk ee” timi comment a tam cem. Mah zong cu thil ttha ngai asi.

    Vanlalsailova tiang nih “Love from Mizoram, keep it up” tiah a rak comment ve.

    Lai holh thiam lo zong nih ‘a hla sullam ka thei lo nain ka uar tuk’ tiah an comment len.

    Philippines le ramdangmi zong nih ‘ka uar tuk’ tiah an comment len.

    Chin ngaknu note, Pathian nih hlawhtlinnak pe chin lengmang ko seh.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.