16.3 C
Hakha
Sunday, August 1, 2021
- Advertisement -

Ṭial Tharmi

Durian Rim Ruangah Germany ah Minung 6 Sizung Phan, Office Rianṭuan an Zaam Dih

Germany ram i Post Office pakhat ah a rim chia taktakmi thil tom a phan i office rianṭuan vialte an zaam dih. Minung 6 sizung an phan.

Durian cu Malaysia, Thailand, Singapore, Indonesia, tbk., Asia ram pawl ah an duh ngaimi thingthei asi. Malaysia um Laimi tampi zong nih an duh ngai. A rim chiat lehlam cu bia nih a tlinh lo, a chia chiahru. Ek le gas rim a nam.

June 20 ahkhan Bavaria state i Schweinfurt khua ah a cangmi si.

Post Office ah a rim chia taktakmi thil tom a phak caah ‘gas bomb’ ah an ruah i office um vialte minung 60 hrawng cu nunnak kawl in an zaam dih. Palek an chawnh hna i mawṭaw 5 bakin palek thiamsang an rung phan.

“Thil tom chungah a ummi kan hngalh rih lo caah ṭihnung asi/lo kan hngal kho rih lo,” tiah khua palek nih media sinah an chim.

Ambulance 6, palek mawṭaw 5 le emergency mawṭaw 2 bak an rung phan.

Meithat zung 3 in meithat mawṭaw le meithat tam taktak an rung phan ve.

Palek thiamsang pawl nih thinphang taktak le ralring taktak in thil tom cu duhsah tein an on i Thai durian pum 4 an hmuh.

Durian cu mahka khua um kum 50 pa nih Nuremberg khua um a hawi a kuatmi si.

Post Office rianṭuan 12 cu durian rim ruangah an lungmit an luakchuak i silei zohkhenhtu pawl nih an thlopbul hna, 6 cu sizung ah an kuat hna.

Mah vialte hnu ah, durian cu a kuatmi sinah tlamtling tein an kuatpiak.

Durian rim nih mipi thinphang lengmang inn a tuah hna i a zaamter dih hna hi atu lawng si ti lo.

Australia khualipi Canberra um RMIT University zongah durian rim cu gas tam taktak a zutmi rim ah an ruah caah siangngakchia le saya/ma vialte nunnak kawl in an zaam dih.

November 2018 zongah, vanlawng aa citmi pawl nih ‘gas rim chia taktak kan theih’ an ti caah Indonesia vanlawng cu an rak ṭumter. Mah vanlawng cu thil chiahnak khaan ah durian pum 1,000 bak a rak phurh. — BBC, United Press International le CNN

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -