Hakha khuapi um GTI sianginn sayaci Dr. Tluang Za Thang nih, “kan sianginn rianṭuan minung 20 hi lahkhah kan pek khawh ko hna lai tiin amahkhangmi nan um ahcun ka chim ulaw CDM tuah ve dingin kan chimhpiak hna lai,” tiah a Facebook ah a ṭial.
“Kan sianginn ah Hmunphiak, Zaanriak le General Workers minung 20 hrawng CDM a tuah kho lomi an um. Thla 1 an lahkhah chuahmi 250,000 cio hrawng a si.
“An zapi tein atu buaibainak a dih hlan lo thla chiar tein lahkhah tlamtling tein kan pek khawh ko hna lai a timi nan um ahcun (amahkhaan in) ka chim ulaw kan chimhpiak hna lai.
“An pawcawmnak ah an lungrethei tuk vemi hna CDM tuah uh ti peng cu fiangfai deuh in pumpak zongin thawng vun ka thanh ulaw ṭha tein ka rak chimh hna lai.
“CDM tuah kan duh ngai ko nain kan lahkhah cu kan hmuh khawh ṭung lai lo, zingzan eidin ah kan har tuk lai an ti.
“Thla 1 50,000 – 100,000 tbk. bawmhnak cu asi kho bak lo an ti. CDM tuah ahcun an zapi tein hmun 1 ah tuah an duh. Zung rianṭuan cheukhat le cachimtu zong mah cu an i harbiknak si ko.
“Anmah pumpak kha CDM nan tuah lo ahcun nan mual kan in phoh hna lai rak ti hna hlah uh tiah zaanngfah kan nawl hna,” ati.
“Ca ka ttialmi ah biachim ka thiam deuh lonak a um ahcun ka ngaithiam uh tiah kan nawl hna.
“Laimi le CDM atuahmi hna i nan Ral ka si loh ti chim ka duh,” tiin tuni ah a ṭial chap.
