Dr. Sui Hingz: Kawlram ah tangka thong 10 ca a deu tam tuk chuah caah i ralrin hau

- Advertisement -

Kyat 10,000 ca -Thonghra ca a deu a chuak. A tam tuk ramchung ah an zamh cang. 

I ralrin a hau. 

Ramchung ah 10,000 ca a deu hi online zong in tampi an zuar. I ralrin lo ahcun tlaihkhihnak ton a fawi kho. 

Hi phaisa deu in thil a cawmi tlaih ahcun Myanmar Penal Code 489 (A, B, C, D) ning in kum 3 thongthlak a si lai. Cun hi phaisa deu a chuahtu le a zuartu (a cawzuartu) cu Central Bank of Myanmar Law (2013) i Pohmah 106 le 107 ning in kum 7 in kum 20 tiang thongthlak khawh a si caah bank i phaisa cash in zatek (percentage) fawite in an in zuarh hna zong ah i ralrin a hau.

2013 ah thongkhat ca a deu a chuah, Singapore ah riantuanmi Kawlnu a rak tlawn lio ah Bago ah a hman i kum thum thongthlak ding in an tlaih. 2016 zong ah thongnga ca a deu a rak chuak, atu thonghra ca ramchung ah tam tuk an zamh cang caah phaisa tom i a karlak tete ah aa tel kho caah hmailei ah tampi ralrin a hau. Theih lomi minung sin in phaisa lak lo ding.  

Hi phaisa deu hi tha tein tongh ahcun theih a fawi te.

Tangka tlap hi a pen nawnte a si i catlap bantuk a si a nem deuh. Cun an chuahnak hmun hi a tam ngai rua, a cheu khat cu watermark hi thate in a um lo. 

A dikmi ram nih chuahmi phaisa taktak …

Theih khawhnak pawl cu:

· 10,000 tiah a sen in an namnak kha na tongh ahcun a hrat lai, a naal lai lo.

· Security Thread timi a lai i hri ah spw tiah a tialmi kha a tung in pakhat, cun a lettalam in pakhat aa nam (rial) lai

· Cu security hri a umnak kha a hring in hmuh caan cun purple (Sen le nak aa cawhmi mui) in hmuh can a si lai

· Cu hri pawng i a rangmi kili-rang (Square) kha a ceunak ah a tang in na zoh ahcun lili pangpar tang ah 10000 tiah Kawlca in aa tialmi na hmuh lai. 

· Cu a rangmi pawng i a tialnak, (10,000) tiah a sen in aa tialnak a tang kha a ceunak ah na cawi i na zoh ahcun CBM tiah a tlam in aa tialmi na hmuh lai. 

*Private bank pawl ah cun a deu an hmuh ahcun an chuah i a tang i thil bantuk in a lai in an riam dih hna.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...